Viðburðir framundan



Viðburðir framundan
  • Fyrirlestur hinseginfræðsla.

PRIDE - Hinsegin 101: Fyrirlestur og fræðsla

  • 4.8.2021, 17:00 - 18:00, Bókasafn Hafnarfjarðar

Fyrirlestur fyrir þá sem eru með spurningar en vita ekki alveg hvar er hægt að fá bestu svörin. Engar spurningar eru rangar eða kjánalegar. 

Fyrir hvað stendur LGBTQ+? Hvernig get ég stutt barnið mitt sem segist vera eitthvað sem ég hef aldrei heyrt? Eru fleiri en tvö kyn? Hvað þýðir að vera eikynhneigð/ur? Pan? Af hverju skiptir máli hvort ég segi hann, hán eða hún?

Í tilefni Hinsegin daga mun Tótla frá Samtökunum ‘78 í samvinnu við Bókasafn Hafnarfjarðar leitast við að svara þessu og svo öllu hinu á fyrirlestri sérstaklega fyrir þá sem eru með spurningar en vita ekki alveg hvar er hægt að fá bestu svörin. Öll viljum við reynast öðrum vel, og hví ekki að mæta og fá svör í öruggu umhverfi þar sem engar spurningar eru rangar eða kjánalegar.

Fyrirlesturinn er hentugur aðstandendum, sem og áheyrendum sem vilja vita meira og fá víðari sýn á samfélagið okkar, sama hvort þeir eru svona eða hinsegin.

Aðgangur er að sjálfsögðu ókeypis.
Fyrirlesturinn fer fram á 2. hæð, miðvikudaginn 4. ágúst kl 17:00.