Viðburðir framundan



Viðburðir framundan
  • BeActive2021

Opin vika hjá Sundfélagi Hafnarfjarðar

  • 23.9.2021 - 30.9.2021, 8:00 - 20:00, Ásvallalaug

Fjölbreyttar æfingar fyrir börn og fullorðna 

Vikuna 23. - 30. september ætlar Sundfélag Hafnarfjarðar að taka þátt í Íþróttaviku Evrópu í samstarfi í ÍSÍ og Hafnarfjarðarbæ. Þessa viku stendur öllum áhugasömum til boða að koma og fylgjast með völdum æfingum, annarsvegar til að horfa og hinsvegar til að taka þátt. Markmiðið með Íþróttaviku Evrópu er að efla íþróttaþátttöku á öllum aldri og getustigum, hvetja til almenningsíþróttaþátttöku og hvetja fyrirtæki og stofnanir til heilsueflingar starfsmanna. Því býður Sundfélag Hafnarfjarðar upp á fjölbreyttar opnar æfingar bæði fyrir börn og fullorðna og vonast til að sjá sem flesta.  Allir þeir hópar sem eru opnir til að koma og prufa eru með laus pláss og hægt að skrá í og byrja að að æfa í. 

Hópar sem eru opnir fyrir að horfa og prufa fyrir börn

Sundskóli SH 0. Stig |Kennsla 1x 40 mín í viku|

Fyrsta stig í sundskóla SH, fyrir þau yngstu og í fylgd með fullorðnum. Námskeiðið er fyrir 2-4 ára börn. Kennsla er 1x í viku í tæpar 40 mínútur. Áhersla á öryggi í vatni og vellíðan, flot og grunn sundtök. Kennsla mest með leikjum.

Hópar:

  • Andarungarnir (Mán): Mánudögum kl: 16:40-17:20 – Suðurbæjarlaug | Kennari: Davíð
  • Andarungarnir (Fim): Fimmtudögum kl: 16:40-17:20 - Suðurbæjarlaug| Kennari: Davíð

Sundskóli SH 2. Stig |Kennsla 2x 40 mín í viku|

Fyrir byrjendur, læra undirstöðuatriði. Öryggi í vatninu, læra að nota grunn sundtök, kafa og fljóta. Hugsað fyrir 5-6 ára börn sem eru að fara á fyrsta sundnámskeið og án foreldra í sundlauginni. Einnig fyrir þau börn sem hafa farið áður á námskeið á stigi 1 eða á annað sambærilegt námskeið. Ekki er nauðsynlegt að hafa lokið stigi 1. Foreldrar fylgja barni að laug og taka við þeim því við laug þegar námskeið er búið. Kennsla að mestu með leikjum og leiklíkum aðferðum.

Hópar:

  • Flórgoðarnir: Mánudaga og fimmtudaga kl: 18:00-18:40 – Suðurbæjarlaug| Kennari: Davíð
  • Svanirnir: Miðvikudaga og föstudaga kl:17:20-18:00 – Suðurbæjarlaug| Kennari: Davíð
  • Lundarnir þriðjudaga og fimmtudaga kl: 17:30-18:10 – Ásvallalaug| Kennari: Magnús

Sundskóli SH 3. Stig |Kennsla 2x 40 mín í viku|

Framhaldskennsla frá stigi 1 og 2, ekki er nauðsynlegt að hafa lokið fyrri stigum en þó er mikilvægt að barnið sé orðið öruggt í vatni og barnið geti lagað sig fljótt að aðstæðum. Lögð áhersla á öryggi í vatninu, læra að synda grunn sund á kvið og baki. Þegar vel gengur er farið í djúpu laugina þegar aðstæður og hæfni hópsinns leyfir. Hugsað fyrir 5-8 ára börn. Nokkrir hópar eru í samstarfi við frístundaheimili skólanna og fá akstur frá skólanum með frístundabíl. Þeir hópar eru hugsaðir fyrir 1 og 2 bekk.

Hópar:

  • Gullfiskarnir: Miðvikudaga og föstudaga kl: 16:00-16:40 – Suðurbæjarlaug | Kennari: Davíð
  • Fiðrildafiskarnir: Mánudaga og fimmtudaga kl: 16:00-16:40 – Suðurbæjarlaug | Kennari: Davíð

Sundskóli SH 4. Stig |Kennsla 2x 40 mín í viku|

Fyrsti hópur sem æfir einungis í djúpu lauginni. Mikilvægt að hafa lokið einhverjum af stigunum hér á undan eða að hafa mikla reynslu af sundi. Barn þarf að geta bjargað sér yfir djúpu laugina án aðstoðar með eða án hjálpartækja. Áhersla á skriðsund og baksund einnig er farið yfir grunn í bringusundi og fótatök fyrir flugsund. Hugsað fyrir 6-9 ára börn (2-3 bekk). Kennsla fer fram mikið með hjálpartækjum eins og núðlu, kork og froskalöppum. Allir ættu að geta sett höfuð í kaf þegar þeir byrja í þessum hópi.

Hópar:

  • Mörgæsir: Þriðjudaga og fimmtudaga kl: 17:00-1740 – Ásvallalaug | Kennari: Mladen
  • Flugfiskar: Miðvikudaga og föstudaga kl: 16:00-16:40 – Ásvallalaug | Kennari: Mladen
  • Kópar: Þriðjudaga og fimmtudaga kl: 16:00-16:40 – Sundhöll | Kennari Aron Bjarki

Sundskóli SH 5. Stig |Kennsla 3x 60 mín í viku|

Framhald af stigi 4. Mikilvægt að hafa lokið einhverjum af fyrri stigum sundskóla SH eða sambærilegum námskeiðum. Kennsla fer einungis fram í djúpu lauginni og þurfa börn að geta bjargað sér í skriðsundi og baksundi heila ferð án hjálpartækja, ef ekki þá þarf að fara í stig 4 eða neðar. Kennd er betri tækni í skriðsundi og baksundi, bringusund og flugsund verða fyrst almennilega kynnt til sögunnar hér. Það er ekki óalgengt að barn sé á stigi 5 í tvo vetur. Til að fara á næsta stig þarf að kunna að synda með þokkalegri tækni allar sundaðferðirnar, kunna að gera réttan snúning fyrir hvert sund og stungu af pall.

Hópar

  • Selir: Mánudaga, Þriðjudaga og fimmtudaga kl: 15:00-16:00 – Sundhöll | Kennari Aron Bjarki

Opnir tímar fyrir fullorðna:

Hópar:

  • Sundknattleikur: Mánudaga og fimmtudaga kl 20-21 – Ásvallalaug | Kennari: Mladen
  • Garpar sundæfingar: Þriðjudaga og fimmtudaga kl 20-21 – Ásvallalaug| Kennari: Dadó Fenrir

Æfingar sem má koma að horfa á eru afrekshópar SH

Hópar:

  • Háhyrningar: mán, þrið, fim og fös kl 15:15-16:45 – Ásvallalaug| Þjálfari: Dadó Fenrir
  • Höfrungar: mán, þrið, mið, fim og fös kl 16:20-18:00 - Ásvallalaug | Þjálfari: Klaus
  • Sverðfiskar: mán, þrið, mið, fim og fös kl 18:00-20:00 – Ásvallalaug| Þjálfari: Dadó Fenrir
  • Hákarlar: mán, þrið, mið, fim og fös kl 18:00-20:00 - Ásvallalaug | Þjálfari: Mladen og Klaus°


Skráning fer fram á https://www.sportabler.com/shop/sh
Heimsækja vef Sundfélags Hafnarfjarðar 

Sundfélag Hafnarfjarðar tekur þátt í Íþróttaviku Evrópu 2021

Íþróttavika Evrópu (European Week of Sport) er haldin dagana 23. – 30. september ár hvert í yfir 30 Evrópulöndum þar sem Evrópubúar sameinast undir slagorðinu #BeActive. Markmið Íþróttaviku Evrópu er að kynna íþróttir og almenna hreyfingu um alla Evrópu og sporna þannig við auknu hreyfingarleysi meðal almennings óháð aldri, bakgrunni eða líkamlegu ástandi.