Viðburðir framundan



Viðburðir framundan
  • LitliRatleikur2020

Litli ratleikur Hafnarfjarðar

  • 23.4.2020 - 8.6.2020, 7:00 - 23:59, Hafnarfjörður

Starfsfólk Hafnarfjarðarbæjar óskar íbúum og vinum Hafnarfjarðar gleðilegs sumars með þökk fyrir veturinn. Í ár fögnum við sumri með breyttu sniði.

Heilsubærinn Hafnarfjörður og Hönnunarhúsið ehf. hafa tekið höndum saman og gefið út Litla ratleik í fyrsta sinn. Litli Ratleikur Hafnarfjarðar er ætlaður sem hvatning til útiveru í og við byggðina í Hafnarfirði. Hann er frábrugðinn stóra Ratleik Hafnarfjarðar að engin ratleiksmerki eru á staðnum eða ratleikskort en hægt er að stunda hann hvenær sem er og nálgast helstu upplýsingar um staðina á ratleikur.fjardarfrettir.is.

Nú þegar eru fimmtán staðir í litla ratleiknum og ef áhugi er fyrir hendi verða mögulega fleiri stöðum bætt við og allar ábendingar eru vel þegnar. Markmið leiksins er að leiða þátttakendur vítt og breitt um Hafnarfjörð á tímum samkomubanns og hvatning til íbúa að njóta útivistar og náttúrunnar í heimabyggð um páskana. Flestir staðirnir eru innanbæjar en einnig eru nokkrir staðir í nágrenni Hvaleyrarvatns.

Guðni Gíslason er höfundur ratleiksins en það er Hönnunarhúsið ehf. sem gefur út leikinn á vefnum í samstarfi við heilsubæinn Hafnarfjörð. Allir geta tekið þátt og þátttakendur eru hvattir til þess að taka myndir af sér á ratleiksstöðunum og deila á samfélagsmiðlum með myllumerkinu #LitliRatleikur

Nánar má sjá um leikinn á ratleikur.fjardarfrettir.is og á www.facebook.com/ratleikur

Heilsubærinn Hafnarfjörður óskar íbúum og vinum Hafnarfjarðar gleðilegs sumars!