Viðburðir framundan



Viðburðir framundan

Jólaþorpið 8.-9. desember 2018

  • 8.12.2018, 12:00 - 17:00
  • 9.12.2018, 12:00 - 17:00

Jólaþorpið verður opið alla laugardaga og sunnudaga á aðventunni frá kl. 12-17 og iðar af lífi og fjöri í kringum jólin. Vertu velkomin(n) í miðbæ Hafnarfjarðar að njóta skemmtidagskrár á Thorsplani, kíkja í litlu jólahúsin og verslanir, veitingastaði og söfn bæjarins í nágrenninu.

Litlu fagurlega skreytt jólahúsin í Jólaþorpinu í Hafnarfirði eru orðin landsþekktur söluvettvangur fyrir ýmisskonar gjafavöru, handverk og hönnun sem tilvalið er að setja í jólapakkann ásamt gómsætum veitingum til að borða á staðnum og ljúfmeti til að taka með heim á veisluborðið.

Höfum það huggulegt saman á aðventunni!

DAGSKRÁ JÓLAÞORPSINS helgina 8. - 9. desember 2018

- - - - - - - - - - - - - - - - - -

Laugardagurinn 8. desember frá kl. 12:00 - 17:00

 

kl. 14 og 16 Tónajól - hátíðartónleikar Tónlistarskóla Hafnarfjarðar í Íþróttahúsinu við Strandgötu

14:00 Jóla Wally sýnir mögnuð sirkusbrögð
14:30 Vigga og Sjonni leika jóladjazz
15:00 Latibær - Íþróttálfurinn, Siggi Sæti, Solla Stirða og Halla hrekkjusvín
15:30 Barnakór Víðistaðakirkju

18:00 Jólaævintýrið í Hellisgerði

Jólasveinar verða á vappi um bæinn og kynna dagskrána frá kl. 14:00 - 16:00. Bettína verður á ferli á Strandgötunni með hestvagninn sinn frá kl. 13:00 - 17:00 og geta áhugasamir fengið jólarúnt um bæinn fyrir sanngjarnt verð.

- - - - - - - - - - - - - - - - - - -

Sunnudagurinn 9. desember frá kl. 12:00 - 17:00


13:30 Sveinn Sigurjónsson með nikkuna
14:00 Úrslit í Kaldárhlaupinu
14:30 Guðrún Árný og barna- og unglingakór Hafnarfjarðarkirkju
15:00 - 16:00 Jólaball með Skoppu og Skrítlu

Grýla verður á vappi um bæinn og kynnir dagskrána frá kl. 14-16. Bettína verður á ferli á Strandgötunni með hestvagninn sinn frá kl. 14-17 og geta áhugasamir fengið jólarúnt um bæinn fyrir sanngjarnt verð.

- - - - - - - - - - - - - - - - - - -

Í jólahúsunum verða ýmsar gómsætar veitingar fyrir sælkera til sölu og vörur til að taka með heim á veisluborðið eins og lambakjöt beint frá býli í ýmsum útfærslum, geitaostar og alls kyns hollustuvörur úr íslensku hráefni og matarhandverk sem frumkvöðlar hafa þróað og verða með á boðstólnum.

Þá verður hægt að kaupa handunnið íslenskt jólaskraut úr tré, kertaskreytingar og jólagjafavöru, tímalaust dagatal og alls kyns handverk, hekl og prjónavörur. Þjóðlegir og öðruvísi skartgripir verða á sínum stað, myndlist og treflar og teppi úr alpaca ull frá Ekvador. Þá verðir til sölu allt tengt rakstri og hármótun og Íslandsklukkur úr áli.

Takið eftir að Strandgatan frá Lækjargötu að Linnetstíg breytist í göngugötu á meðan Jólaþorpið er opið. Salernisaðstaða fyrir gesti er á annarri hæð í Firði, í Hafnarborg og Bókasafninu.

Allir velkomnir!