Viðburðir framundan



Viðburðir framundan
  • Hvitasunnuhlaupid2019

Hvítasunnuhlaup Hauka

  • 10.6.2019, 10:00, Ásvellir

Árlegt Hvítasunnuhlaup Skokkhóps Hauka og Sportís fer fram mánudaginn 10. júní kl. 10. Um er að ræða glæsilegt utanvegarhlaup um uppland Hafnarfjarðar sem byrjar og endar á Ásvöllum í Hafnarfirði. Hlaupið mun hafa tímabundin áhrif á umferð. Ökumenn eru beðnir um að sýnda skilning og hvetja þátttakendur til dáða.

Nánar um Hvítasunnuhlaupið

Hvítasunnuhlaup Skokkhóps Hauka og Sportís fer fram í sjöunda sinn mánudaginn 10. júní 2019 kl. 10:00. Hvítasunnuhlaup Hauka og Sportís er glæsilegt utanvegarhlaup um uppland Hafnarfjarðar. Hlaupið byrjar og endar á Ásvöllum í Hafnarfirði. Eins og áður verður hlaupið um uppland Hafnarfjarðar en hlaupið er frá Ásvöllum í Hafnarfirði. Hlaupið hafnaði í þriðja sæti þegar utanvegahlaup ársins var valið 2013, því fjórða 2014 og öðru sæti 2015 og þriðja sæti 2017 . Athygli er vakin á því að síðustu ár hafa flestir af okkar sterkustu utanvegahlaupurum verið með. Hlaupið er viðkennt af ITRA og gefur 1 punkt.

Hvitasunnumynd

Vegalengdir

Skráning
Skráning fer fram á hlaup.is og er hægt að skrá sig í hlaupið til kl. 22:00 sunnudaginn 9. júní.

Hlaupagögn verða afhent í verslun Sportís, Mörkinni 6. Á hlaupdegi er hægt að sækja hlaupagögn milli kl. 8:00 og 9:00 á Ásvöllum. Hlauparar eru vinsamlegast beðnir að virða þessi tímamörk á hlaupadegi. Nánari upplýsingar um afhendingu gagna verða birtar á Facebooksíðu hlaupsins þegar nær dregur.

Fjöldi í hlaupinu er takmarkaður við 500 hlaupara og því er um að gera að skrá sig sem fyrst.

Þátttökugjald
5.500 kr. í forskráningu og 6.500 kr. á hlaupadegi. Innifalið í þátttökugjaldi er fjölnota, samanbrjótanlegt glas til notkunar á drykkjarstöðvum.

Hlaupaleiðin
Hlaupið er um stórkostlegar náttúruperlur í næsta nágrenni Hafnarfjarðar s.s. Ástjörn, Hvaleyrarvatn, Stórhöfða og Höfðaskóg.

22 km leiðin
Hlaupið er frá Ásvöllum, hálfan hring í kringum Ástjörnina, upp á Vatnshlíðina, niður að Hvaleyrarvatni og réttsælis meðfram vatninu. Þaðan á malarveg að Stórhöfðastíg, eftir stígnum í kringum Stórhöfðann og síðan upp á höfðann, niður af höfðanum hinumegin og inn Kjóadalinn. Þaðan er hlaupið örstutt eftir malarvegi og inn á stíg til vinstri sem liggur nánast að skátaheimilinu við Hvaleyrarvatn. Þar er haldið eftir malarvegi til hægri tæplega 5 km. hring eða þar til komið er inn í skógræktina. Inn í skógræktinni er hlaupinn smá hringur og komið út nálægt Skátaheimili en þá er haldið að Hvaleyrarvatni. Leiðin liggur þá eftir skógarstígum upp í hlíðinni og aftur niður að vatni. Nú er farið rangsælis meðfram vatninu u.þ.b 600m þar til beygt er upp Vatnshlíðina. Farið er yfir Vatnshlíðina og til baka að Ástjörn, til vinstri í átt að Ásvöllum eftir malarstíg, yfir litla göngubrú, kringum íþróttasvæðið rangsælis og komið í mark á Ásvöllum á sama stað og var ræst.

17 km leiðin
Sama leið og 22 km en 17 km hlauparar sleppa 5 km hringnum við skátaheimilið.

14 km leiðin
Sama leið og 22 km en 14 km hlauparar sleppa 5 km hringnum við skátaheimilið og fara ekki upp á Stórhöfða.

Aldurstakmark
Hlauparar verða að vera 16 ára á árinu.

Tímataka
Tímataka með flögu.

Verðlaun
Veitt eru verðlaun fyrir þrjú efstu sætin, í kvenna- og karlaflokki, í hverri vegalengd, 14 km, 17,5 km og 22 km.
Í ár munu allir keppendur sem ljúka keppni fá glæsilegan verðlaunapening sem var sérhannaður fyrir Hvítasunnuhlaupið 2019 og er framleiddur á Íslandi. Þá verða fjölmörg glæsileg útdráttarverðlaun.

Þjónusta
Boðið verður upp á vatn og orkudrykki á þremur drykkjarstöðvum. Hlauparar í 22 km hlaupi mega EINUNGIS nota drykkjarstöð númer 2, en ekki aðrar drykkjarstöðvar. Þetta er gert vegna ITRA reglna.

Ekki verður boðið upp á pappa- eða plastmál á drykkjarstöðvum, heldur verða hlauparar að koma með fjölnota glas (innifalið í þátttökugjaldi) til að geta fengið drykk á drykkjarstöðvum. Ekkert glas, enginn drykkur.

Eftir hlaup verður öllum hlaupurum boðið upp á heita súpu og brauð. Frítt er í sund fyrir hlaupara í Ásvallasundlaug.

Nánari upplýsingar
Nánari upplýsingar má nálgast með því að senda póst á hvitasunnuhlauphauka@gmail.com.