Viðburðir framundan


Viðburðir framundan
  • HMG_9159-print

Sjómannadagurinn 12. júní 2022

  • 12.6.2022, 8:00 - 17:00, Hafnarfjörður

Heimsækjum höfnina og njótum heima í Hafnarfirði 

Hátíðarhöld í Hafnarfirði á Sjómannadaginn 12. júní

Viðburður á Facebook

FESTIVAL PROGRAM IN ENGLISH

Hátíðarhöld í Hafnarfirði á Sjómannadaginn 12. júní fara fram við Flensborgarhöfn. Við hvetjum Hafnfirðinga og gesti þeirra til þess að gera sér ferð niður að höfn og njóta þess sem höfnin, sem bærinn er kenndur við, hefur upp á að bjóða.

Fiskasýning Hafrannsóknastofnunar verður á svæðinu fyrir framan höfuðstöðvar stofnunarinnar á Háabakka og boðið uppá opið hús á fyrstu hæð. Hægt verður að skoða sýnishorn af fiskum og hryggleysingjum, allt frá algengum nytjafiskum eins og þorski og ýsu til sjaldséðari tegunda.

Hafnarfjarðarhöfn býður uppá skemmtisiglingu á hálftíma fresti, Björgunarsveit Hafnarfjarðar setur upp björgunarleiktæki, kajakar og árabátar verða tiltækir hjá siglingaklúbbnum Þyt, skemmtidagskrá fer fram við Flensborgarhöfn og aflraunamenn etja kappi og sterkasti maður á Íslandi verður krýndur í lok dags. Í hlýlegum verslunum og listagalleríum við höfnina er hægt að nálgast hönnun og handverk hafnfirskra listamanna, vinalegir veitingastaðir og kósý kaffihús í nágrenni hafnarinnar eru rómuð fyrir góðar veitingar.

Á Strandstígnum hefur verið komið fyrir nýrri ljósmyndasýningu Byggðasafnins, í Bookless Bungalow er sýning um tímabil erlendu útgerðanna og í Siggubæ er hægt að sjá sýnishorn frá heimili sjómanna í Hafnarfirði á fyrri hluta 20. aldar.

Fögnum sjómannadeginum með heimsókn á höfnina!

Hátíðarhöld við Flensborgarhöfn á Sjómannadaginn 12. júní kl. 13-17.

Hátíðardagskrá

  • Kl. 8:00 Fánar dregnir að húni á hátíðarsvæði við höfnina
  • Skemmtiferðaskipið Le Bellot verður landtengt við rafmagn á Suðurbakka, fyrst skipa á Íslandi
  • Kl. 10:00 Lúðrasveit Hafnarfjarðar leikur við Hrafnistu
  • Kl. 10:30 Blómsveigur lagður að minnisvarða við Víðistaðakirkju um horfna sjómenn
  • Kl. 11:00 Sjómannamessa í Hafnarfjarðarkirkju

Skemmtidagskrá við Flensborgarhöfn kl. 13-17

  • Skemmtisigling í boði Hafnarfarðarhafnar - lagt af stað á hálftíma fresti frá Óseyrarbryggju
  • Fiskasýning Hafrannsóknastofnunar á Háabakka. Sýnishorn af fiskum og hryggleysingjum. Allt frá algengum nytjafiskum eins og þorski og ýsu til sjaldséðari tegunda.
  • Sterkasti maður á Íslandi 2022! Aflraunamenn etja kappi við hrikalegar aflraunir og við hverja aðra á hátíðarsvæðinu við höfnina. Kl. 13 Trukkadráttur. Kl. 14:30 Álkubbapressa. Kl. 16 Blönduð grein.
  • Kaffisala Slysavarnardeildar Hraunprýði og unglingadeildarinnar Björgúlfs við Flensborgarhöfn. Björgunarsveit Hafnarfjarðar setur upp þrautabraut í sjó, rennibraut, gámasig, fluglínutæki og koddaslag.
  • Opið hús hjá Siglingaklúbbnum Þyt. Kajakar og árabátar tiltækir og búningsaðstaða fyrir þá sem blotna.
  • Opið hús á fyrstu hæð Hafrannsóknastofnunar. Kynning á kvörnum og aldurslestri fiska. Hægt að skoða dýrasvif sem er mikilvæg fæða hjá ýmsum tegundum fiska, fugla og hvala. Einnig ljósmyndasýning frá sögu Sjómannadagsins þar sem sýndar verða myndir af öllum sem heiðraðir hafa verið á Sjómannadaginn í Hafnarfirði frá upphafi, ásamt nöfnum þeirra.
  • Kl. 13-14 Kappróðrarkeppni
  • Kl. 13-14 DAS bandið
  • Kl. 13:30 Lúðrasveit Hafnarfjarðar marserar um hátíðarsvæðið
  • Kl. 14 Setning og heiðrun sjómanna
  • Kl. 14:20 Ávarp og verðlaunaafhending
  • Kl. 15 Gedda gulrót og Rauða eplið syngja lög úr Ávaxtakörfunni
  • Kl. 15-17 Hafmeyjuprinsessa og sjóræningi verða á ferð um hátíðarsvæðið og heilsa uppá gesti
  • Kl. 16 BMX brós sýna atriði og bjóða gestum að prófa þrautabraut
  • Björgunarsýning þyrlu Landhelgisgæslunnar og Björgunarsveitar Hafnarfjarðar
  • Kynnir er Gunnella Hólmarsdóttir leikkona sem flytur nokkur vel þekkt sjómannalög á milli atriða

Opnar vinnustofur listamanna, verslanir og veitingastaðir kl. 13-17

  • Kaffihlaðborð Kænunnar á sínum stað með brauðtertum og tilheyrandi og sjávarréttasúpa í boði hússins
  • Opið í Sign þar sem fallegir skartgripir eru hannaðir og smíðaðir, Fornubúðum 12.
  • Opið hús í Gára handverk . Fallegir handmótaðir leirmunir sex leirlistakvenna, Fornubúðum 8.
  • Opið hús í Íshúsi Hafnarfjarðar . Starfsemi Íshúss Hafnarfjarðar samanstendur af 30 verkstæðum og vinnustofum einyrkja og minni fyrirtækja í skapandi greinum. Flóran er afar fjölbreytt og meðal annars er í húsinu stunduð keramik hönnun, myndlist, vöru- og textílhönnun, ritlist, tréskipasmíði og gullsmíði.
  • Kl. 14-16 Útgáfu bókarinnar Kennarinn sem fuðraði upp eftir Bergrúnu Írisi verður fagnað við Íshús Hafnarfjarðar.

 

  • Byggðasafn Hafnarfjarðar
  • Ljósmyndasýning á Strandstígnum.
  • Pakkhúsið, Vesturgötu 6 , opið 11:00 – 17:00. Þar er meðal annars sýningin „Þannig var...“ þar sem saga sjávarþorpsins Hafnarfjarðar er rakin frá landnámi til okkar daga.
  • Bookless bungalow, Vesturgötu 32 , opið 11:00 – 17:00. Sýning um tímabil erlendu útgerðanna í Hafnarfirði á fyrri hluta 20. aldar á heimili þeirra Booklessbræðra.
  • Siggubær, Kirkjuvegi 10 , opið 11:00 – 17:00. Bærinn er varðveittur sem sýnishorn af heimili sjómanna í Hafnarfirði frá fyrri hluta 20. aldar, þar sem hægt er að upplifa og kynnast því hvernig alþýðufólk í bænum bjó á þeim tíma.

 

Salernisaðstaða er í Siglingaklúbbnum Þyt, Íshúsi Hafnarfjarðar, Kænunni og Hafrannsóknastofnun.

 

Dagskrá getur breyst án fyrirvara og viðburðir bæst við eða frestast.