Viðburðir framundan


Viðburðir framundan
  • BeActvieGongumISkolann2022

Göngum í skólann

  • 7.9.2022 - 5.10.2022

Verkefnið stendur yfir dagana 7. september - 5. október

Verkefnið stendur yfir dagana 7. september - 5. október 

Verkefnið Göngum í skólann ( www.iwalktoschool.org ) hefst í miðvikudaginn 7. september í fimmtánda sinn og lýkur því formlega með alþjóðlega Göngum í skólann deginum miðvikudaginn 5. október. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni. 

BeActvieGongumISkolann2022

Þátttakendur í yfir 40 löndum

Á hverju ári taka milljónir barna í yfir 40 löndum víðs vegar um heiminn þátt í Göngum í skólann með einum eða öðrum hætti. Hér á landi hefur þátttakan vaxið jafnt og þétt og fyrsta árið voru þátttökuskólarnir 26 en alls 78 skólar skráðu sig til leiks árið 2021. Á vef verkefnisins - www.gongumiskolann.is - er að finna allar nánari upplýsingar um verkefnið en þar má meðal annars finna skemmtilegar útfærslur nokkurra skóla á Íslandi á verkefninu auk ýmiss annars efnis frá þátttökuskólunum.

GongumISkolann

Heilsubærinn Hafnarfjörður hvetur alla skóla í Hafnarfirði, foreldra og börn til virkrar þátttöku í verkefninu næsta mánuðinn! Það er hollt og gott að ganga í skólann!