Viðburðir framundan



Viðburðir framundan
  • Flensborgarhlaup-1280x640

Flensborgarhlaupið 2019

  • 17.9.2019, 17:30 - 19:00, Flensborgarskóli

Flensborgarhlaupið fer fram í Hafnarfirði þann 17. september næstkomandi. Allur ágóði af Flensborgarhlaupinu 2019 rennur til Bergsins Headspace, en Bergið mun veita einstaklingsmiðaða ráðgjöf og þjónustu til ungmenna upp að 25 ára aldri. Ætlunin er að aðstoða þau við að finna leiðir að bættri líðan og efla virkni ungmenna í samfélaginu. Hlaupið hefst við Íþróttahúsið við Strandgötu þriðjudaginn 17. september 2019 kl. 17:30.

Vegalengdir
10 km og 5 km með tímatöku og 3 km skemmtiskokk án tímatöku. Vegalengdir eru mældar af viðurkenndum aðilum. Hlaupið er ræst þannig að fyrst fara 10 km hlauparar, svo 5 km og loks 3 km.

Hlaupaleiðin og staðsetning
Vegna framkvæmda á Kaldárselsvegi var ný leið farin í fyrra og verður hún notuð aftur í ár og þangað til framkvæmdir að Kaldárbotnum eru komnar nógu langt! Hlaupið hefst við strætisvagnaskýlið við Fjarðargötu gegnt íþróttahúsinu (Strandgötu). Hlaupið er á göngustígnum framhjá Norðurbakka í átt að Sundhöllinni og samhliða Herjólfsgötu eins langt og hægt er á göngustígnum, alla leið framhjá Hrafnistu, Herjólfsbraut og upp á gamla Álftanesveginn. Þar er beygt til vinstri (í vestur), inn á gamla Álftanesveginn, að undirgöngunum undir nýja Álftanesveginn, að skilti sem vísar m.a. á varpland og þar nærri verður snúningspunktur. Þaðan er farin sama leið til baka niður á Fjarðargötu. Drykkjarstöð er á miðri leið fyrir þá sem hlaupa 10 km.

Skráning
Forskráning er á hlaup.is til kl. 12 á hádegi á hlaupadegi. Ekki er hægt að skrá á staðnum en afhending keppnisgagna er frá kl 16.00 í Safnaðarheimili Hafnarfjarðarkirkju (við hliðina á Íþróttahúsinu við Strandgötu), og þar verða verðlaun einnig afhent kl. 18:30.

Þátttökugjald

Þeir sem skrá sig fyrir miðnætti sunnudaginn 15. september
• greiða 750 kr. óháð vegalengd (20 ára og yngri)
• greiða 1.750 kr. fyrir 10 km og 5 km hlaup
• greiða 1.250 kr. fyrir skemmtiskokk, 3 km

Skráning frá og með mánudegi 18. september og til kl. 12:00 á hlaupadag:
• 1.000 kr. óháð vegalengd (20 ára og yngri)
• 2.750 kr. fyrir 10 km og 5 km hlaup
• 1.750 kr. fyrir skemmtiskokk, 3 km

Verðlaun
Verðlaun verða veitt fyrir þrjú fyrstu sætin í kvenna- og karlaflokki tveir aldursflokkar 17 ára og yngri og 18 ára og eldri. Fjöldi útdráttarverðlauna. Verðlaunaafhending hefst kl 18.30.

Annað
Flensborgarskólinn skipuleggur hlaupið í samstarfi við Skokkhóp Hauka og Hlaupahóp FH. Allir sem starfa við hlaupið gefa vinnu sína og rennur ágóðinn þetta árið til Bergsins Headspace. Bergið mun veita einstaklingsmiðaða ráðgjöf og þjónustu til ungmenna upp að 25 ára aldri. Þjónustan mun miða að því að efla þátttöku og þekkingu ungmenna og auka tengsl þeirra við samfélagið. Bergið stefnir að því að vera leiðandi afl í að þróa þjónustu fyrir ungt fólk á forsendum ungs fólks. Bergið mun leitast eftir að ná markmiði sínu með því að skapa aðgengilega þjónustu með hlýtt, heimilislegt, opið viðmót. Húsnæði Bergsins mun vera fullt af kærleika, gleði, þar sem ungmenna vita að hverju þau ganga í áreiðanlegu og heiðarlegu umhverfi. Þjónustan mun vera opin, fordómalaus og sveigjanleg þar sem hlustað er á raddir ungmenna. "Fyrir ungt fólk á forsendum ungs fólks”. Geta má þess að stofndagur Bergsins Headspace er 17/9.

Ljósmynd: Fjarðarpósturinn