Viðburðir framundan



Viðburðir framundan

Bjartir dagar föstudaginn 20. apríl 2018

  • 20.4.2018

 

  • Kl. 10 Nemendur í 2. bekk í Víðistaðaskóla vígja mósaíktjörn á Norðurbakka
  • Kl. 11-17 Föndur fyrir alla fjölskylduna á barnadeild Bókasafns Hafnarfjarðar
  • Kl. 17:00 Bikarmót Badmintonfélags Hafnarfjarðar í Íþróttahúsinu við Strandgötu.
  • Keppt er í unlingaflokkum í eftirtöldum flokkum:
    U11 fædd 2007 og síðar
    U13 fædd 2006 og 2005
    U15 fædd 2004 og 2003
    U17 - U19 fædd 2002-1999.
    Keppt er í riðlum og raðað er í riðla eftir styrkleikalista BSÍ.
    Allir Hafnfirðingar eru velkomnir í Íþróttahúsið við Strandgötu 20.-22. apríl til að fylgjast með mótinu og boðið er uppá kaffi og meðlæti fyrir gesti.
  • Kl. 18 Sýning á undirbúningi og vinnslu mósaíkmyndarinnar “Þráður” á Norðurbakka opnar í Apótekinu Hafnarborg. 

    “Þráður” – mynd í vatni.


    Verkið er 240 m2 mósaíkmynd sem undirstrikar huglæg tengsl við sjóinn með myndum af allskyns sjávardýrum eins og fiskum,  kolkröbbum, sverðfiskum og ófreskjum sem ekki er hægt að tegundagreina. Myndin er ekki munstur aftur og aftur heldur ein heild og snýr til allra átta.
    Between the lines - Sýning á verkum eftir Einar Birgisson i Apótekinu Hafnarborg.
    Einar er höfundur myndarinnar „Þráður“ í tjörninni á Norðurbakka og hefur um árabil þróað myndsköpun sem byggir á fíguratívri myndgerð dregið með einum lit og einni línu.
    Sýningin opnar föstudaginn 20. apríl kl. 18 og verður opin fram á sunnudag 22. apríl. 

  • Kl. 18-21 Gakktu í bæinn – Söfn, verslanir og vinnustofur listamanna verða opnar fram á kvöld
    • Gallerý Múkki, Fornubúðum 8. Aðalheiður Skarphéðinsdóttir sýnir verk sín. Allir hjartanlega velkomnir.
    • Soffía Sæmundsdóttir, Fornubúðum 8. Fullveldishátíð hjá Málaranum við höfnina. Einnig opið um helgina frá 14-17. Andi danskra aðalsmanna og konunga svífur yfir vötnum og þeir eru beinlínis komnir á staðinn og út úr málverkunum til að fylgjast með hátíðinni og sjá hvernig okkur hefur vegnað í þessi 100 ár.
    • Annríki - Þjóðbúningar og skart, Suðurgötu 73. Komdu og skoðaðu ævintýraveröld þar sem gestum er boðið að kynnast 300 ára sögu og þróun íslenskra búninga. Leiðsögn um búningasafn, spjall og kaffi í boði Hildar og Ása í Annríki.
    • Rimmugýgur, Staðarbergi 6. Félagar sýna handverk og vopn.
    • Pakkhús Byggðasafnsins opið kl. 18-21.

      Kl. 20 Mun Benný Sif Ísleifsdóttir þjóðfræðingur flytja erindið "Alþýðleiki föðurnafna og dýrleiki ættarnafna. Um nafnrétt og sjálfsmynd Íslendinga." og Dagrún Ósk Jónsdóttir þjóðfræðingur fjalla um "Andaglas á Íslandi".

    • Kvöldopnun í Hafnarborg kl. 18-21.
      Sýning á undirbúningi og vinnslu mósaíkmyndarinnar “Þráður” á Norðurbakka opnar í Apótekinu.
    • Listamenn úr Íshúsi Hafnarfjarðar og víðar kynna vörur sínar í Litlu Hönnunar Búðinni milli kl. 19:00-21:00. Léttar veitingar og skemmtilegheit.
    • Listakonan Jónína Ósk Lárusdóttir mun sýna í Nýform
    • Álfagull á Strandgötu 49 verður með tilboð af völdum vörum og léttar veitingar í boði
    • Helma sýnir í Dalakofanum
    • Bílskúrinn á Álfaskeiði 24 verður opinn frá kl. 18-22 þar sem Nutcase hjólahjálmar fyrir alla fjölskylduna verða til sýnis og sölu á sérstöku tilboðsverði.
  • Kl. 20:00 Dansleikur í Hraunseli, Flatahrauni 3
    Hljómsveit Svenna Sigurjóns leikur fyrir dansi. Miðaverð 1.500 kr.

  • Kl. 20:30 Blúsmenn Andreu í Bæjarbíó
    Hljómsveitin Blúsmenn Andreu, með söngkonuna Andreu Gylfadóttur í broddi fylkingar, hefur starfað frá árinu 1989. Óhætt er að segja að Blúsmenn Andreu séu unnendum blústónlistar vel kunn og eru tónleikar sveitarinnar gjarnan vel sóttir. Sveitin er skipuð einvalaliði sem eru auk Andreu þeir Guðmundur Pétursson á gítar, Einar Rúnarsson á orgel, Jóhann Hjörleifsson á trommur og Haraldur Þorsteinsson á bassa.
    Tvær hljómplötur hafa komið út með Blúsmönnum þar sem finna má þverskurð af þeirri tónlist sem hljómsveitin býður upp á, sambland blues, soul og djasstónlistar auk laga eftir Andreu sjálfa. Miðasala á midi.is