Menningarbærinn



Menningarbærinn

Menningarbærinn

Í menningarlífi Hafnarfjarðar kennir margra grasa. Í Hafnarborg eru reglulegar listsýningar og á Byggðasafni Hafnarfjarðar er sögunni gerð góð skil. Hróður Hafnarfjarðarleikhússins hefur farið víða enda er það í framvarðarsveit íslenskra leikhúsa. Fornri menningu landnámsmanna og víkinga má kynnast í víkingaveislum Fjörukrárinnar og á víkingahátíðum.  Þá er lista- og menningarhátíðin Bjartir dagar haldin ár hvert í júnímánuði og á aðventunni heimsækja allir Jólaþorpið.  Ekki má heldur gleyma alþjóðlega Höggmyndagarðinum á Víðistaðatúni.

Tónlistarlíf er í miklum blóma en í Hafnarfirði starfa um 15 kórar fyrir utan skólakóra og í rokkinu er mikil gróska. 

Bæjarlistamaður Hafnarfjarðar. Hægt er að senda inn tilnefningar um bæjarlistamann til 1. febrúar ár hvert. Umsóknarform og framkvæmd eru auglýst sérstaklega. Útnefning á bæjarlistamanni fer fram síðasta vetrardag.

Viðburða- og verkefnastyrkir. Hafnarfjarðarbær auglýsir eftir umsóknum um styrki til verkefna og viðburða á sviði menningar og lista í Hafnarfirði til eflingar á hafnfirsku menningarlífi einu sinni á ári.  Auglýst er fyrir 15. febrúar ár hvert og miðað við að úthlutun sé lokið fyrir 1. maí. Úthlutunarreglur er að finna HÉR


Var efnið hjálplegt? Nei