Árlegir styrkir

Viðburða- og verkefnastyrkir

Tvisvar á ári auglýsir menningar- og ferðamálanefnd Hafnarfjarðar eftir umsóknum um styrki til menningarstarfsemi og eflingar á hafnfirsku menningarlífi. Markmiðið er að styðja við menningarstarfsemi í samræmi við menningarstefnu bæjarins og styrkja einstaklinga og félagasamtök til lista- og menningarsköpunar. Listamenn, félagasamtök, stofnanir eða menningarviðburðir verða að tengjast Hafnarfirði á einhvern hátt. Með fastri búsetu, með því að viðburðurinn fari fram í Hafnarfirði eða feli í sér kynningu á menningarstarfsemi Hafnarfjarðar. Ekki er styrkt til ferðalaga, náms og rekstrar. 

Í umsókn þarf eftirfarandi að koma fram:

• Markmið, lýsing og tilefni umsóknar
• Styrkupphæð
• Tíma- og verkáætlun
• Önnur fjármögnun
• Kostnaðaráætlun

Menningar- og ferðamálanefnd metur umsóknir eftir markmiðum verkefna og hvernig þau nýtast til að efla fjölbreytt menningarlíf bæjarbúum og hafnfirskum listamönnum til góðs. Tekið er mið af raunhæfni verkefna, kostnaðaráætlun auk tíma- og verkáætlunar. Hægt er að sækja um samstarfssamning vegna lengri eða endurtekinna verkefna til allt að þriggja ára.

Úthlutunarreglur og frekari upplýsingar

Umsóknum er skilað með rafrænum hætti í gegnum Mínar síður á heimasíðu Hafnarfjarðarbæjar: www.hafnarfjordur.is  Athugið að til þess að sækja um þarf að skrá sig inn á Mínar síður. Aðstoð við skráningu er hægt að fá hjá Þjónustuveri Hafnarfjarðar í síma: 585-5500 | netfang: hafnarfjordur@hafnarfjordur.is

Umsækjendur skulu hafa eftirfarandi í huga við gerð umsóknar:

• Hvaða verkefni er verið að sækja um styrk fyrir. Nafn verkefnis sé bæði stutt og lýsandi fyrir verkefnið.
• Hver/Hverjir sækja um styrkinn og hver/hverjir ætli að vinna verkefnið sem sótt er um styrk fyrir.
• Hvar verkefnið fer fram.
• Hvernig eigi að vinna verkefnið – stutt verklýsing/verkáætlun
• Hvað kostar það – kostnaðaráætlun sé hluti af umsókn
• Fyrir hverja – að það komi fram fyrir hverja verkefnið er unnið, hver sé markhópur þess.
• Af hverju – að það komi fram hver ávinningurinn af verkefninu er fyrir þátttakendur og fyrir samfélagið.
• Umsækjendum er bent á að skoða fyrri úthlutanir og gera raunhæfar áætlanir.