Wapp



Wapp

Í Wappinu er nokkrar ókeypis gönguleiðir um Hafnarfjörð

Heilsubærinn Hafnarfjörður og og Wapp - Walking app hafa samstarf um birtingu gönguleiða í Hafnarfirði í leiðsagnarappinu Wappinu.

Leiðir í Hafnarfirði í boði Hafnarfjarðarbæjar

Nokkrar gönguleiðir í Hafnarfirði eru í wappinu og margar þeirra í boði Hafnarfjarðarbæjar og fleiri göngur væntanlegar. Smellt er á "kort" þegar leiðin hefur verið opnuð og á "já" við spurningunni "Viltu kaupa þessa ferð?" Leiðin kemur þá upp endurgjaldslaust.

  • Núvitundarganga við Hvaleyrarvatn
  • Hvaleyrarvatn og Stórhöfði
  • Brandaraganga í miðbænum
  • Söguganga um Hafnarfjörð

Leiðirnar eru með kortum, gps hnitum, ljósmyndum og upplýsingum á íslensku og ensku.

Vonast er til að þetta samstarf auðveldi Hafnfirðingum sem og öðrum að nálgast upplýsingar um áhugaverðar gönguleiðir, sögulegan fróðleik um menningarminjar og útivistarmöguleika í Hafnarfirði og hvetji til aukinnar hreyfingar og útiveru.

Um Wappið

Wappið er stafrænn gagnagrunnur leiðarlýsinga á Íslandi sem er miðlað í gegnum app fyrir Iphone og Android snjallsíma. Leiðarlýsingarnar eru um allt land, með GPS ferlum og ljósmyndum og er miðlað á ensku og íslensku til notenda. Leiðarlýsingum er hlaðið á símann og þær notaðar án þess að vera í gagnasambandi. Stokkur ehf. forritar Wappið og Samsýn ehf. sér um kortagrunninn fyrir Ísland.

Á forsíðu www.wapp.is eru hlekkir beint á App Store og Play Store til að sækja Wappið.


Var efnið hjálplegt? Nei