Víðistaðatún



Víðistaðatún

Á Víðistaðatúni er rólegt, hlýlegt og fjölskylduvænt umhverfi með nægu leiksvæði og sex holu frisbígolfvelli

Víðistaðatún er fallegt útivistarsvæði umkringt hrauni. Rólegt, hlýlegt og fjölskylduvænt umhverfi með nægu leiksvæði, tennisvelli, útigrillaðstöðu, ærslabelg og aparólu. Nýlega var settur upp strandblakvöllur og þá er sex holu frisbígolfvöllur á Víðistaðatúni.

Frisbígolf er leikið á svipaðan hátt og venjulegt golf nema að í stað golfkylfa og golfbolta eru notaðir frisbídiskar og í stað golfhola eru kastað í sérútbúnar körfur á svæðinu. Íþróttin hentar öllum aldurshópum og er skemmtileg fyrir alla fjölskylduna. Frítt er á völlinn og ekki nauðsynlegt að bóka fyrirfram. Upplýsingaskilti um leikreglur og skipulag vallar á Víðistaðatúni er að finna á túni fyrir neðan Víðistaðakirkju. Hér má einnig sjá vallarkort fyrir völlinn. 

Á Víðistaðatúni eru fjölmörg útilistaverk sem gaman er að skoða. Hér er hægt að nálgast ratleik um útilistaverkin á Víðistaðatúni og Hellisgerði en ratleikurinn hefst þar. 


Google maps


Var efnið hjálplegt? Nei