Höfðaskógur



Höfðaskógur

Skógræktarfélag Hafnarfjarðar er við Hvaleyrarvatn

Starfsstöð Skógræktarfélags Hafnarfjarðar er suðvestan Kaldárselsvegar skammt frá Hvaleyrarvatni, á landsvæði sem hlotið hefur nafnið Höfðaskógur. Í Höfðaskógi er gott að fara þegar maður vill komast úr skarkala borgarinnar og slaka á í dásamlegu umhverfi um stund. Höfðaskógur hefur upp á allt að bjóða sem prýtt getur góðan skóg, m.a. trjásýnilund þar sem gefur að líta fjölmargar tegundir trjáa og runna og einn glæsilegasta rósagarð landsins að auki.

Trjágróðurinn í Höfðaskógi er af margvíslegum toga en mest ber á greni, furu, birki, víði, reyni og aspartegundum. Fjölbreytnin er meiri en þessi listi ber með sér því innan svæðisins hefur víða verið plantað út ótrúlegustu tegundum sem margar hverjar spjara sig býsna vel. Á 50 ára afmæli Skógræktarfélagsins árið 1996 var opnaður trjásýnilundir með rúmlega 250 trjátegundum og kvæmum á elsta ræktunarsvæðinu ofan Hvaleyrarvatns. Á síðustu árum einnig verið unnið að því að planta út öllum þekktum tegundum rósa sem finnast hér á landi í suðurhlíðum Húshöfða.

Komdu í skógarferð!

Í Wappinu er hægt að nálgast ókeypis núvitundargöngu umhverfis Hvaleyrarvatn.

 


Google maps


Var efnið hjálplegt? Nei