Hamarinn



  • HamarinnMynd

Hamarinn

Hamarinn er ungmennahús fyrir ungt fólk á aldrinum 16-25 ára í gömlu skattstofunni að Suðurgötu 14 sem starfar eftir gildum jafnréttis, vináttu og vellíðunar. 

Tilgangur Hamarsins er mikilvægur og margþættur: 

  • Bjóða upp á jákvætt félagslegt umhverfi
  • Vera ungu fólki innan handar hvað varðar þeirra hugarefni
  • Koma hugmyndum þeirra í framkvæmd
  • Vera staður til að læra á eða finna út hvað maður vill læra
  • Bjóða upp á fjölbreytt námskeið
  • Aðstoða með viðeigandi ráðgjöf og þjónustu fagaðila ef þess er óskað t.d sálfræðinga

HamarinnAdstada_1601377492443

Í Hamrinum er mjög góð aðstaða fyrir viðburði og er ungt fólk hvatt til að halda tónleika, myndlistasýningar, stunda hugleiðslu og íhugun eða að spila Dungeons og Dragons langt fram á kvöld í húsnæðinu á þeirra eigin forsendum. Í Hamrinum er alltaf kósý stemning og tilvalið að kíkja í pool, horfa á þætti, tefla, grípa í gítar, spila eða bara vera til og spjalla. 

Opnunartímar Hamarsins er mjög breytilegir - sér í lagi núna á tímum Covid19:

  • Mánudaga: 09:00-23:00
  • Þriðjudaga: 09:00-23:00
  • Miðvikudaga: 09:00-23:00
  • Fimmtudaga: 09:00-23:00
  • Föstudaga: 09:00-23:00
  • Laugardaga: 11:00-23:00
  • Sunnudaga: 11:00-23:00

Hamarinn

HAMARINN er á  FACEBOOK 

Aðstaða til lærdóms á tímum Covid19

Ákveðið hefur verið að sníða starfsemi Hamarsins að ástandinu í þjóðfélaginu vegna Covid-19 og vera með opið alla virka daga frá 09:00 á morgnanna svo ungt fólk geti komið og lært. Í Hamrinum er starfsmaður til taks frá 09:00 á daginn.  Á fimmtudagskvöldum hittast í Hamrinum spunaspilarar og eru allir velkomnir sem hafa áhuga á því. 

Skipulagt starf fyrir ungt fólk á flótta og ungt fólk af erlendum uppruna

Hamarinn er í virku samstarfi við Rauða krossinn og er með skipulagt félagsstarf fyrir ungt fólk á flótta og ungt fólk af erlendu bergi brotnu. Yfir Hamrinum er starfandi húsfélag ungs fólks og er aðalfundur í október ár hvert þar sem kosið er í nýja stjórn og er áhersla lögð á að fá ungt og áhugasamt fólk í stjórn sem vill hafa áhrif á starfsemi Hamarsins og beita sér fyrir hagsmunum ungs fólks í Hafnarfirði.

Hamarinn er fyrir allt ungt fólk með alls konar áhugamál! 

Í Hamarinn er allt ungt fólk velkomið og er starfsfólk boðið og búið til aðstoðar með allt það sem liggur ungu fólki Hafnarfjarðar á hjarta, bæði á íslensku og ensku. Áfengi, fíkniefni, reykingar, munntóbak og vape bannað í ungmennahúsi og áhersla lögð á jafnrétti, vináttu og vellíðan. 

Ertu með hugmyndir fyrir Hamarinn?

Starfsemin er í daglegri endurskoðun og eru allar hugmyndir um hvernig má bæta starfsemi Hamarsins vel þegnar: hamarinn@hafnarfjordur.is og 585 5707. Tilvalið að senda línu skilaboð í gegnum Facebook eða Instagram.

Starfsfólk Hamarsins tekur vel á móti þér og/eða þínum! 


Var efnið hjálplegt? Nei