Leikskólar



Leikskólar

Leikskólinn er fyrsta skólastigið (stig skólakerfisins) og upphaf skólagöngu barna (formlegrar menntunar einstaklinga.)   

Leikskólar starfa samkvæmt lögum um leikskóla nr. 90/2008,  reglugerð um starfsemi leikskóla nr. 655/2009  og aðalnámskrá leikskóla útgefinni af mennta- og menningarmálaráðuneytinu  2011. Í gildi eru innritunarreglur í leikskóla Hafnarfjarðarbæjar sem miða við að börn fá leikskólapláss allt frá 15 mánaða aldri (fer eftir fæðingarmánuði), en börn sem falla undir viðmið um forgang (forgangshóp) hafa komist fyrr að. Undanfarin ár hafa auk þess yngri börn verið innrituð í leikskóla eftir því sem pláss leyfa hverju sinni.

Umsóknir um leikskólavist

  • Aðalinnritun vegna leikskóladvalar er að hausti þegar nýtt skólaár byrjar. Að auki er innritað í janúar/febrúar eins og pláss leyfa hverju sinni, eru þá innrituð börn af biðlista sem náð hafa 18. mánaða aldri.  

  • Undantekning frá þessari reglu eru börn sem falla undir viðmið um forgang - sjá nánari upplýsingar hér
  • Aðalúthlutun leikskólavistar fer fram í mars/apríl ár hvert. Börn byrja í leikskóla eftir sumarfrí ár hvert eða í kringum  1. ágúst. Einnig er innritað í febrúar eftir því sem pláss leyfa.
  • Forsenda þess að barn geti byrjað á leikskóla í Hafnarfirði er að það eigi lögheimili í sveitarfélaginu.


Leikskólagjöld

Leikskólagjöld eru innheimt samkvæmt gjaldskrá. Veittur er systkinaafsláttur vegna systkina sem eru samtímis í leikskóla eða hjá dagforeldri. Annað barn fær 50% afslátt, þriðja barn 75% afslátt og fjórða barn 100% afslátt.  Foreldrar geta sótt um tekjutengdan viðbótarafslátt sem er 20% annars vegar og 40% hins vegar. Ekki er hægt að fá hvorutvegga systkinaafslátt og viðbótarafslátt.

Sjá gjaldskrá leikskóla  

Upphaf leikskóladvalar

Í leikskólabyrjun er barni gefið góður tími til þess að aðlagast leikskólanum. Aðlögun er í samráði við foreldra/forsjáraðila og dvelja þeir með barni fyrstu dagana. Í upphafi leikskólagöngu veitir leikskólastjóri meðal annars allar upplýsingar um áherslur og markmið skólastarfsins í leikskólanum (uppeldis- og menntastarfs leikskólans), allar helstu upplýsingar um starfsemi auk þess sem foreldri/ forsjáraðili fær tækifæri til þess að kynnast skólanum og starfsháttum hans. Við upphaf leikskólagöngu gera foreldrar/forsjáraðili og leikskólinn með sér samning um leikskóladvölina.

Móttökuferli nýrra barna sem unnið hefur verið eftir frá hausti 2015

Unnið hefur verið að því að lækka aldur leikskólabarna í leikskólum Hafnarfjarðar frá haustinu 2015. Frá og með hausti 2018 hafa börn allt niður í 15 mánaða aldur verið innrituð á leikskóla. Jafnframt hefur orðið hækkun á niðurgreiðslum til dagforeldra og sérstök niðurgreiðsla til dagforeldra vegna barna sem náð hafa 15 mánaða aldri og dvelja hjá dagforeldri. Er það gert til að koma til móts við foreldra barna sem ekki dvelja í leikskóla frá 15 mánaða aldri.

Sjá gjaldskrá dagforeldra


Var efnið hjálplegt? Nei