Setbergsskóli
Hlíðarberg 2
Sími: 565 1011 | Netfang: setbergsskoli@setbergsskoli.is | Vefsíða
Setbergsskóli er heimaskóli fyrir Setbergshverfið í Hafnarfirði og var stofnaður árið 1989. Hann er heildstæður grunnskóli frá 1.-10. bekk og er nemendafjöldi í kringum 400.
Skólinn heldur utan um eitt sérúrræði fyrir Hafnarfjörð; deild fyrir nemendur á einhverfurófi (1.-10. bekkur). Í skólastarfinu er lögð áhersla á læsi og námsvitun, fjölbreyttar kennsluaðferðir og sveigjanleiki í námi með margþættu námsmati. Unnið er eftir aðferðafræði SMT-skólafærni sem miðar að því að efla jákvæð samskipti og tryggja öryggi og velferð nemenda og starfsfólks.
Í skólanum er náms- og starfsráðgjöf veitt, sálfræðiþjónusta, talmeinaþjónusta, heilsugæsla, þjónusta við nemendur með sérþarfir, stuðningur við tvítyngda nemendur og almenn barnavernd í samræmi við lög á hverjum tíma. Skólaráð er starfandi við skólann og sömuleiðis foreldrafélag.
Fjölbreytt félagslíf er í félagsmiðstöð skólans fyrir nemendur skólans og frístundaheimili fyrir nemendur í 1.-4. bekk eftir kennslu til loka vinnudags. Unnið er eftir starfsskrá tómstundamiðstöðva Hafnarfjarðar.
Gildi skólans eru virðing, víðsýni og vinsemd.
Skólastjóri er María Pálmadóttir og aðstoðarskólastjóri er Sif Stefánsdóttir.