Öldutúnsskóli



  • Öldutúnnskóli

Öldutúnsskóli

Öldutún 9

Sími: 555 1546   |   Netfang: oldutunsskoli@oldutunsskoli.is   |   Vefsíða

 

Öldutúnsskóli er heimaskóli fyrir suðurbæinn í Hafnarfirði og var stofnaður árið 1961. Hann er heildstæður grunnskóli frá 1.-10. bekk og er nemendafjöldi í kringum 500.

Skólinn heldur utan um eitt sérúrræði fyrir Hafnarfjörð; deild fyrir unglinga með vægan náms- og þroskavanda (8.-10. bekkur).  Í skólastarfinu er lögð áhersla á teymis­vinnu, umhverfismennt (Grænfánaskóli), kórastarf, lotukerfi í list- og verkgreinum og fjölbreytt heimanám. Unnið er eftir aðferðafræði SMT-skólafærni sem miðar að því að efla jákvæð samskipti og tryggja öryggi og velferð nemenda og starfsfólks. Í skólanum er einnig unnið eftir Olweusaráætluninni gegn einelti og andfélagslegri hegðun.

Í skólanum er náms- og starfsráðgjöf veitt, sálfræðiþjónusta, talmeinaþjónusta, heilsugæsla, þjónusta við nemendur með sérþarfir, stuðningur við tvítyngda nemendur og almenn barnavernd í samræmi við lög á hverjum tíma. Skólaráð er starfandi við skólann og sömuleiðis foreldrafélag.

Fjölbreytt félagslíf er í félagsmiðstöð skólans fyrir nemendur og frístundaheimili fyrir nemendur í 1.-4. bekk eftir kennslu til loka vinnudags. Unnið er eftir starfsskrá tómstundamiðstöðva Hafnarfjarðar. Skólablaðið heitir Öldubros og er gefið út reglulega.

Gildi skólans eru virðing, vellíðan og virkni.

Skólastjóri er Valdimar Víðisson og aðstoðarskólastjóri Margrét Sverrisdóttir.

 

Google maps


Var efnið hjálplegt? Nei