Frístunda­heimili



Frístunda­heimili

Frístundaheimilin eru opin eftir að skóla lýkur til kl. 17 alla virka daga. Opið er á skipulagsdögum og virka daga í páska- og jólafríi.

Frístundaheimili eru fyrir börn í 1.-4. bekk og starfa við alla grunnskóla í Hafnarfirði . Hlutverk frístundaheimila er að bjóða upp á fjölbreytt tómstundastarf eftir að hefðbundnum skóladegi lýkur fyrir nemendur. Starfið byggist á vali, hópastarfi, smiðjum og útiveru. Einnig er boðið upp á síðdegishressingu á miðjum degi. Markmið frístundaheimila er að hvert barn fái að njóta sín og þroskast í umhverfi sem einkennist af hlýju, öryggi og virðingu.

Frístundaakstur er í boði fyrir börn í 1.-4. bekk og fer á æfingar hjá þeim félögum sem hafa gert samning við um frístundaakstur. Verkefnið er unnið í samvinnu Hafnarfjarðarbæjar við íþróttafélögin og Hópbíla.  Foreldrar þurfa að skrá börnin sín sérstaklega í bílinn.

Samþykkt frístundaheimila

Starfsskrá Tómstundamiðstöðva

Skráning

Skráning fer fram rafrænt í gegnum "Mínar síður". Þær umsóknir sem berast fyrir 15. júní eru í forgangi. Umsóknir sem berast eftir þann tíma geta farið á biðlista og eru ekki afgreiddar fyrr en í ágúst. Við skráningu er mikilvægt að tryggja að allar upplýsingar séu réttar og sérþarfir skráðar. Gott er að athuga sérstaklega hvort allar upplýsingar um tengiliði séu réttar og stundum þarf að bæta við tengilið ef barn býr á tveim heimilum. Vekjum einnig athygli á því að það komi fram í umsókn ef barn þarf á stuðningi að halda.

Þegar barn fær vistun á frístundaheimili þá berst boð um vistun á það netfang sem fylgdi skráningu barns. Þeim pósti þarf að svara og samþykkja innan þriggja daga. Ef sá póstur er ekki samþykktur þá er vistun ekki virk. Ef frestur til staðfestingar rennur út þarf að hafa samband við viðkomandi frístundaheimili og fá aðstoð. Það skal tekið fram að ef ekki hefur tekist að fullmanna allar stöður á frístundaheimilum þegar starfsemin hefst að hausti er hugsanlegt að einhverjar tafir geti orðið á því að barn geti hafið dvöl í frístundaheimilinu.

Uppsagnir og breytingar

Allar breytingar á skráningum skal tilkynna til deildarstjóra viðkomandi frístundaheimilis. Umsókn gildir eitt skólaár í senn (ágúst-júní). Ef þjónustu er sagt upp, eða óskað er eftir breytingum, skal það gert fyrir 15. hvers mánaðar og tekur uppsögnin gildi um næstu mánaðarmót. Uppsögn fyrir vorönn verður að tilkynna til deildarstjóra viðkomandi frístundaheimilis fyrir 15. desember annars framlengist umsókn sjálfkrafa. 

Vetrarfrí skóla og sérstakir dagar

Frístundaheimilin eru lokuð alla rauða almanaksdaga og í vetrarfríi grunnskóla. Auk þess eru frístundaheimilin með tvo skipulagsdaga á ári. Opið er allan daginn á skipulagsdögum skólanna og virka daga í páska og jólafríi. Sækja þarf sérstaklega um vistun á þessum dögum í gegnum Völu frístundarkerfi. Deildarstjóri sendir nánari upplýsingar varðandi umsókn fyrir þessa daga til foreldra/forráðamanna áður en að þeim kemur.

Frístundagjöld

Frístundagjöld eru innheimt samkvæmt gjaldskrá . Þú getur reiknað út kostnað við frístundadvölina með reiknivél hér fyrir neðan.

Foreldrar geta valið um fjölda daga sem þeir kaupa fyrir barnið. Greitt er fyrir daginn en ekki tímagjald. Innifalið í gjaldinu er síðdegishressing, vistun og lengd viðvera á dögum sem er opið allan daginn.

Systkinaafsláttur

Systkinaafsláttur er veittur vegna barna í frístund sem eiga annað systkini í frístund eða systkini samtímis í leikskóla eða hjá dagforeldri. Athugið að ekki er sama afsláttarprósenta í frístund og leikskóla. Afsláttur reiknast af almennu dvalargjaldi, fyrir hvert barn umfram eitt. Fyrir yngsta systkini er greitt fullt gjald, en afsláttur veittur.

  • Fyrir annað systkini 75%
  • Fyrir þriðja systkini 100%
  • Fyrir fjórða systkini 100%


Sótt er um systkinaafslátt á mínum síðum á Mínum síðum

Reiknaðu dæmið


Var efnið hjálplegt? Nei