Frístunda­heimili



Frístunda­heimili

Frístundaheimilin eru opin eftir að skóla lýkur til kl. 17 alla virka daga. Opið er á skipulagsdögum og virka daga í páska- og jólafríi.

Frístundaheimili eru fyrir börn í 1.-4. bekk og starfa við alla grunnskóla í Hafnarfirði . Hlutverk frístundaheimila er að bjóða upp á fjölbreytt tómstundastarf eftir að hefðbundnum skóladegi lýkur fyrir nemendur. Starfið byggist á vali, hópastarfi, smiðjum og útiveru. Einnig er boðið upp á síðdegishressingu á miðjum degi. Markmið frístundaheimila er að hvert barn fái að njóta sín og þroskast í umhverfi sem einkennist af hlýju, öryggi og virðingu.

Skráning

Skráning fer fram rafrænt í gegnum „Mínar síður“. Þær umsóknir sem berast fyrir 15. júní eru í forgang þegar tekið er inn, umsóknir sem berast eftir þann tíma eru ekki afgreiddar fyrr en í ágúst.

Þegar barn fær boð um vistun á frístundaheimili þá fær foreldri póst á netfang sem var gefið upp, þeim pósti þarf að svara og samþykkja innan þriggja daga frá því pósturinn berst. Ef sá póstur er ekki samþykktur þá er vistun ekki orðin virk. Ef fresturinn rann út þarf að hafa samband við viðkomandi frístundaheimili og fá aðstoð.

Uppsagnir og breytingar

Miðast er við annafyrirkomulag. Uppsögn fyrir vorönn verður að tilkynna fyrir 15.desember annars framlengist umsókn til og með júní.

Ef foreldrar vilja gera breyting á skráningunni fyrir haustönn þá er hægt að gera það frá 1. september til 15. september og tekur breytingin gildi þann 1. október.

Fyrir breytingu á vorönn þá er hægt að gera það frá 1. janúar til 15. janúar og tekur breytingin gildi 1. febrúar.

Uppsögn fyrir vorönn verður að tilkynna til viðkomandi deildastjóra frístundaheimilis fyrir 15. desember annars framlengist umsókn sjálfkrafa til og með júní.

Vetrarfrí skóla og sérstakir dagar

Frístundaheimilin eru lokuð alla rauða almanaksdaga og í vetrafríi grunnskóla. Auk þess eru frístundaheimilin með tvo skipulagsdaga á ári. Opið er allan daginn á skipulagsdögum skólanna og virka daga í páska og jólafríi. Sækja þarf sérstaklega um vistun á þessum dögum í gegnum Völu frístundarkerfi. Deildarstjóri sendir nánari upplýsingar varðandi umsókn fyrir þessa daga til foreldra áður en að þeim kemur.

Kostnaður

Foreldrar geta valið um fjölda daga sem þeir kaupa fyrir barnið. Greitt er fyrir daginn en ekki tímagjald. Innifalið í gjaldinu er síðdegishressing, vistun og lengd viðvera á dögum sem er opið allan daginn. Veittur er systkinaafsláttur en afsláttur reiknast af almennu dvalargjaldi, fyrir hvert barn umfram eitt. Sjá gjaldskrá frístundaheimilanna.

Reiknaðu dæmið


Var efnið hjálplegt? Nei