Músík og Mótor



  • Musikheimar

Músík og Mótor

Sími: 534 7260   |   Netfang: ith@hafnarfjordur.is   |   Vefsíða

Mótorhúsið var stofnað árið 1996. Í september árið 2008 fengum við nýtt húsnæði að Dalshrauni 10 sem er betur þekkt sem gamla lakkrísgerðin.

Eins og nafnið gefur til kynna þá snýst þessi félagsmiðstöð um viðgerðir og viðhald á mótorhjólum og í raun öllum þeim tækjum sem hafa mótor. Hér geta unglingar á aldrinum 13-20 ára komið og fengið aðstöðu til að gera við mótorhjólin, bílana og reiðhjólin sín. Á staðnum eru öll helstu verkfæri og búnaður sem til þarf til að viðhalda mótorhjólum. Starfsmenn þekkja allir vel til í viðgerða og veita öllum góð ráð og leiðbeiningar hvernig á að gera við og viðhalda hjólum og öðrum hlutum sem koma til okkar. 

Músik og Mótor eru á FACEBOOK  

Opnunartímar eru:

  • Mánudaga: 16:00-23:00
  • Þriðjudaga: 16:00-23:00
  • Miðvikudaga: 16:00-23:00
  • Fimmtudaga: Lokað
  • Föstudaga: 16:00-23:00 og 18:00-23:00 til skiptis
  • Helgar: Lokað

Músikhúsið er félagsmiðstöð sem tónlistaráhugafólk á aldrinum 13-20 ára geta sótt. Við höfum níu æfingarými fyrir hljómsveitir. Hægt er að sækja um aðstöðu með því að hafa samband við Birgi Þór Halldórsson sem er umsjónarmaður í síma 534-7260 á opnunartímum, senda tölvupóst á birgir@laekjarskoli.is eða koma á staðinn á mánudögum eða miðvikudögum og spjalla við hann.

Hljómsveitir og aðrir sem eru að búa til tónlist komast í upptökustudio hjá okkur til að taka upp sitt eigið efni undir leiðsögn umsjónamanna þess. Hljómsveitir sem æfa hjá okkur greiða ekkert fyrir aðstöðuna og það sem henni fylgir nema þá í formi þess að spila fyrir Hafnarfjarðarbæ endurgjaldslaust. Sagan hefur sýnt að Músikhúsið er frábær stökkpallur fyrir ungar og efnilegar hljómsveitir sem eru að stíga sín fyrstu eða önnur skref í hinum bráðskemmtilega heimi tónlistarinnar

Leiðarljós og hugmyndafræði Músík og mótor

Lögð er áhersla á að allar meginforsendur með starfsemi Músik og Mótor byggist á frumkvæði, hugmyndum og áhuga unga fólksins. Lögð er áhersla á fjölbreytileika í starfi þar sem einstaklingar eru mismunandi og læra og upplifa lífið á mismunandi hátt. Lögð er áhersla á að öllum líði vel á starfsstöðvum og er talið að það sé forsenda fyrir því að hægt sé að huga að öðrum markmiðum og að unga fólkið geti unnið að hugðarefnum sínum. Ungt fólk á að fá tækifæri til að vinna við eigin hugmyndir og munu starfsmenn styðja við það starf. Unglingar leita eftir samskiptum við starfsmenn sem eru góðar fyrirmyndir og leita til þeirra eftir upplýsingum og ráðgjöf


Var efnið hjálplegt? Nei