Skipulag í kynningu



Skipulag í kynningu

Kaplakriki - gatnamót Flatahrauns, Skútahrauns og Kaplakrika

Deiliskipulagsbreying

  • 10.7.2020 - 21.8.2020

Breyting á deiliskipulagi Kaplakrika, reitur 3.2.3 – Gatnamót Flatahrauns, Skútahrauns, Kaplakrika

Skipulags- og byggingarráð Hafnarfjarðar samþykkti á fundi sínum þann 30.06. 2020 að auglýsa tillögu að breytingu á deiliskipulagi Kaplakrika, reits 3.2.3, vegna gatnamóta Flatahrauns og Skútahrauns við Kaplakrika, skv. 1. mgr. 43. gr. skipulagslaga nr 123/2010. Bæjarráð Hafnarfjarðar í umboði bæjarstjórnar, staðfesti afgreiðslu Skipulags- og byggingarráðs á erindinu þann 02.07. 2020.

Breytingin tekur til gatnamóta Skútahrauns og Flatahrauns auk innkeyrslu á íþróttasvæði FH í Kaplakrika. Breytingin er gerð sem hluti af endurskoðun á leiðakerfi Strætó innan Hafnarfjarðar og er ætlað að bæta umferðaröryggi og umferðarflæði með staðsetningu hringtorgs á gatnamótunum, sem gerir strætisvögnum kleift að taka 180 gráðu snúningsbeygju.

Tillagan verður til sýnis í þjónustuveri Hafnarfjarðar Strandgötu 6 og hjá umhverfis- og skipulagssviði Norðurhellu 2, frá 10.07. til 21.08. 2020.

Skoða tillögu um breytingu á deiliskipulagi Kaplakrika

Þeim sem telja sig hagsmuna eiga að gæta er gefinn kostur á að gera athugasemdir við breytingarnar og skal þeim skilað skriflega eigi síðar en 21.08. 2020 á netfangið skipulag@hafnarfjordur.is eða á heimilisfangið:

Hafnarfjarðarkaupstaður
b.t. umhverfis- og skipulagssviðs
Norðurhellu 2