Skipulag í kynningu



Skipulag í kynningu

Iðnaðarhverfi austan Reykjavíkurvegar, Flatahraun 11 og 13, breytt aðkoma

Deiliskipulagsbreyting

  • 2.4.2019 - 13.5.2019

Bæjarstjórn Hafnarfjarðar staðfesti á fundi sínum þann 06.03. 2019 samþykkt skipulags- og byggingarráðs Hafnarfjarðar, dags. 26.02.2019, um tillögu að breyttu deiliskipulagi vegna lóða nr. 11 og 13 við Flatahraun og að tillagan verði auglýst í samræmi við 1. mgr. 43. gr. skipulagslaga nr. 123/2010. Breytingin felur í sér hliðrun á innkeyrslu að Flatahrauni 13, inn- og útkeyrslu að Flatahrauni 11 verði breytt og aksturstefnu snúið þar við, bættar gönguleiðir við báðar lóðirnar, ásamt bættu umferðaröryggi og umferðarflæði á Flatahrauni.

Tillagan er til sýnis í þjónustuveri Hafnarfjarðar Strandgötu 8-10 og hjá Umhverfis- og skipulagsþjónustu, Norðurhellu 2, frá 2. apríl til 13. maí 2019. Hér er hægt er að skoða deiliskipulagstillöguna

Þeim sem telja sig hagsmuna eiga að gæta er gefinn kostur á að gera athugasemdir við breytinguna og skal þeim skilað skriflega til Umhverfis- og skipulagsþjónustu Hafnarfjarðarbæjar, eigi síðar en 13. maí 2019.

Nánari upplýsingar eru veittar hjá Umhverfis- og skipulagsþjónustu.
Skipulagsfulltrúi