Skipulag í kynningu



Skipulag í kynningu

Hafnarsvæði, reitir H1 og H2

Aðalskipulagsbreyting

  • 5.6.2020 - 7.7.2020

Á fundi skipulags- og byggingarráðs Hafnarfjarðar þann 19.05. 2020 var lögð fram skipulagslýsing, dags. 15.05. 2020, vegna fyrirhugaðrar breytingar á aðalskipulagi Hafnarfjarðar 2013-2025. Breytingin nær til Flensborgarhafnar og hluta Suðurhafnar.

Eftirfarandi bókun var gerð: “Skipulags- og byggingarráð samþykkir fyrir sitt leyti framlagða skipulagslýsingu samanber 30.gr. skipulagslaga og vísar henni til Hafnarstjórnar og til umsagnar nefnda og ráða bæjarins.”

Þann 19.05.2020 samþykkti Hafnarstjórn fyrir sitt leyti framlagða skipulagslýsingu sbr. 30 gr. skipulagslaga og vísar henni til afgreiðslu í bæjarstjórn.

Bæjarstjórn Hafnarfjarðar samþykkti samhljóða fyrirliggjandi skipulagslýsingu á fundi sínum þann 27.05.20

Þegar vinna við tillögu að breytingu á aðalskipulagi hefst skal sveitarstjórn taka saman lýsingu á skipulagsverkefninu þar sem fram kemur hvaða áherslur sveitarstjórn hafi við skipulagsgerðina og upplýsingar um forsendur, fyrirliggjandi stefnu og fyrirhugað skipulagsferli, svo sem um kynningu og samráð gagnvart íbúum sveitarfélagsins og öðrum hagsmunaaðilum.

Skipulagslýsinguna má nálgast hér á vef Hafnarfjarðarbæjar www.hafnarfjordur.is og skulu skriflegar ábendingar vegna hennar berast umhverfis- og skipulagssviði Hafnarfjarðar, Norðurhellu 2, 221 Hafnarfirði, eða á netfangið skipulag@hafnarfjordur.is, eigi síðar en 07.07. 2020. Ábendingar skulu merktar „Aðalskipulag - Hafnarsvæði“ og skal nafn sendanda, kennitala og heimilisfang koma fram.