Skipulag í kynningu



Skipulag í kynningu

Hjallabraut

Aðalskipulagsbreyting

  • 2.4.2020 - 2.6.2020

Á fundi bæjarstjórnar þ. 5.2. sl. var eftirfarandi tekið fyrir: Hjallabraut, aðalskipulagsbreyting.

4.liður úr fundargerð skipulags- og byggingaráðs frá 17.desember sl. Afgreiðslu frestað á fundi bæjarstjórnar 8.janúar sl. 

Á fundi bæjarstjórnar þann 28.11.2018 var samþykkt að vinna að aðalskipulagsbreytingu vegna breyttrar landnotkunar við Hjallabraut í samræmi við 1.mgr. 36.gr. skipulagslaga. Lýsing vegna breytinganna hefur þegar verið samþykkt. Umsagnir þar til bærra aðila liggja nú fyrir. Einnig hefur verið haldinn íbúafundur þar sem breytingarnar voru kynntar. 

Erindið var samþykkt á fundi skipulags- og byggingarráðs þann 13.08. s.l. Breyting var gerð á afmörkun svæðisins. Nú er lagður fram nýr uppdráttur er sýnir tillögu að aðalskipulagsbreytingunni.
Skipulags- og byggingarráð samþykkir framlagðan breyttan uppdrátt og að hann skuli auglýstur í samræmi við 31.gr. skipulagslaga nr. 123/2010 og vísar honum til staðfestingar í bæjarstjórn.

Bæjarstjórn samþykkir samhljóða afgreiðslu skipulags- og byggingarráðs.

Í breytingunni felst að: hluta Víðistaðasvæðis verði breytt í íbúðarsvæði. Svæðið fellur nú undir OP2, opið svæði, og HVc1, hverfisvernd, er á hluta svæðisins. Þegar raskað land milli Hjallabrautar og hraunjaðars, þar sem nú liggur hjóla- og göngustígur, verði nýtt undir íbúðabyggð. Hraunjaðar Víðistaðatúns verður áfram ósnertur enda verði hann áfram hverfisverndaður.

Tillagan verður til sýnis í þjónustuveri Hafnarfjarðar Strandgötu 6 og hjá umhverfis- og skipulagssviði að Norðurhellu 2, frá 02.04.-15.05.2020.

Hér er hægt að skoða tillöguna:

Nánari upplýsingar eru veittar hjá umhverfis- og skipulagssviði.

Þeim sem telja sig eiga hagsmuna að gæta er gefinn kostur á að gera athugasemdir við breytinguna. Skal þeim skilað skriflega á netfangið skipulag@hafnarfjordur.is eigi síðar en 15.05 2020 eða stílaðar á:

Hafnarfjarðarkaupstaður
bt. umhverfis- og skipulagssvið
Norðurhella 2
221 Hafnarfjörður

Umhverfis- og skipulagssvið Hafnarfjarðar