Snjómokstur

Yfirlit yfir snjómokstur - stéttir og gönguleiðir

Yfirlit yfir snjómokstur - götur 

Þjónustumiðstöð Hafnarfjarðarbæjar sér um mokstur og hálkuvarnir en einnig eru kallaðir til verktakar á annatímum. Almennt viðmið er þjónusta frá kl. 7:30 - 22 en veður og færð stýra þjónustutíma. Þegar þannig viðrar hefst þjónustan mjög snemma og endar seint.

Hálkuvarnir og snjómokstur á götum

Hálkuvarnir

Hálkuvarnir eru fyrst og fremst fyrirbyggjandi aðgerðir þar sem notast er við söltun og ruðning. Ákvarðanir eru teknar út frá ástandi vega og veðurfari þ.e.a.s. langtímaspám, veðurútliti, mati hverju sinni, umferð og umferðaflæði. 

• A-götur (merktar með rauðu) eru aðalgötur, strætóleiðir og stofngötur.  Unnið er á tímabilinu 7:30 - 22:00
  
• B-götur (merktar með gulu) eru leiðir að skólum, leikskólum, safngötur, milligötur og ákveðin plön og húsagötur. Unnið er á tímabilinu 7:30 - 17:00 virka daga.
  
• C-götur (merktar með grænu) eru aðrar götur sem þarf að hafa í huga vegna hálku. Unnið er tímabilinu 7:30 - 17:00 virka daga.
  
• D-götur (ómerktar) eru húsagötur, botngötur og minni götur. Almennt ekki hálkuvarið nema sérstakar aðstæður myndast.
  

Snjómokstur

Leitast er eftir að snjór eða ís hefti ekki flæði umferðar og reynt að halda umferðaröryggi í lagi. Snjómokstur skal hefjast áður en úrkoma nær 10 cm snjóþykkt.

• A-götur (merktar með rauðu) eru aðalgötur, strætóleiðir og stofngötur. Unnið er á tímabilinu 7:00 - 20:00 alla daga.
  
• B-götur (merktar með bláu) eru safnagötur. Unnið er á tímabilinu 7:00 - 19:00 virka daga.
  
• C-götur (merktar með bláum) eru húsagötur, botngötur og minni götur. Snjómokstur hefst þegar A og B götum hefur verið sinnt. 
  

Stígar og stéttir snjómokstur

Snjómokstri á stígum og stéttum er forgangsraðað og tekið er mið af gönguleiðum að skólum, stofnunum, miðbæ og tengingu milli bæjarhluta og leiðum inn og út úr Hafnarfirði.

• A-gönguleiðir (merktar með rauðu) eru aðalgönguleiðir, gönguleiðir að skólum og milli hverfa. Unnið er á tímabilinu 07:30 - 17:00 virka daga.
  
• B-gönguleiðir (merktar með grænu) eru helstu gönguleiðir. Unnið er við snjómokstur þegar tækifæri gefst.
  
• C-gönguleiðir (ómerkt) eru minni gönguleiðir, húsagötur og fleira. Unnið er við snjómokstur þegar A og B gönguleiðir hafa verið mokaðar.