Hamranes



Hamranes

Sex íbúðarhúsalóðir undir þriggja til fimm hæða fjölbýlishús með 148 íbúðum á fallegu og fjölskylduvænu byggingarsvæði í fyrsta áfanga Hamraness eru lausar til úthlutunar. Á svæðinu er gert ráð fyrir þéttri byggð sem lagar sig að landslagi staðarins sunnan Ásvallabrautar sem tengir svæðið við aðrar stofnleiðir og er jafnframt skammt frá stoppustöð almenningsvagna.

Öll aðstaða verður til fyrirmyndar í hverfinu sem liggur á einu fallegasta og fjölskylduvænasta byggingarsvæði höfuðborgarsvæðisins sunnan við Velli og Skarðshlíðarhverfi. Lóðirnar eru í skólahverfi Skarðshlíðarskóla sem er um 400 m norðan við skipulagssvæðið sem tengist því með göngustígum og undirgöngum undir Ásvallabraut en þar er rekinn leik- og grunnskóli sem hefur þegar tekið til starfa og íþróttahús og útibú tónlistarskóla verða afhent í haust. Gert er ráð fyrir nýjum leikskóla á nálægum reit.

Um er að ræða eftirtaldar fjölbýlishúsalóðir á reit 6, 10 og 11 í 1. áfanga í Hamranesi:

  • Nónhamar 8, 20 íbúðir, 1 byggingarreitur (lóð nr. 1 í deiliskipulagsuppdrætti) Seld
  • Nónhamar 4, 27 íbúðir, 2 byggingarreitir (lóð nr. 2 í deiliskipulagsuppdrætti) Seld
  • Nónhamar 2, 24 íbúðir, 1 byggingarreitur (lóð nr. 3 í deiliskipulagsuppdrætti) Seld
  • Hringhamar 1, 24 íbúðir, 1 byggingarreitur (lóð nr. 4 í deiliskipulagsuppdrætti) Seld
  • Hringhamar 3, 25 íbúðir, 2 byggingarreitir (lóð nr. 5  í deiliskipulagsuppdrætti) Seld
  • Hringhamar 7, 28 íbúðir, 1 byggingarreitur (lóð nr. 6 í deiliskipulagsuppdrætti) Seld

Helstu gögn og upplýsingar


Úthlutunarlóðir

Lóðirnar eru lausar til úthlutunar fyrir lögaðila. Ef tvær eða fleiri umsóknir um sömu lóð berast verður dregið á milli. Hægt er að skoða og sækja um rafrænt á "Mínar síður" á vef Hafnarfjarðarbæjar og er umsóknarfrestur til kl. 12:00 mánudaginn 4. maí 2020. Áætlað er að leggja umsóknir um lóðirnar fyrir á bæjarráðsfundi 7. maí 2020. Tilboð í lóð verður tekið fyrir á bæjarráðsfundi þegar öll fylgigögn eru komin.

Sótt skal um lóðirnar á MÍNUM SÍÐUM

Lóðirnar verða afhentar í október 2020 en gatnagerð verður boðin út í maí, áætlaður verktími er 3-4 mánuðir. Fylgiskjöl sem skulu fylgja með umsókn koma fram í grein 2.1. í almennum reglum um úthlutun lóða og sölu byggingarréttar.

Umsókn lögaðila skal fylgja: lögaðili sem umsækjandi um lóð skal leggja fram ársreikning síðasta árs áritaðan af löggiltum endurskoðanda, auk skriflegrar staðfestingar án fyrirvara frá banka eða lánastofnun um greiðsluhæfi og mögulega lánafyrirgreiðslu vegna fyrirhugaðrar húsbyggingar. Enn fremur skal umsækjandi leggja fram gögn er gefa upplýsingar um flekklausa byggingarsögu

Mat á umsóknum lögaðila

Við mat á umsóknum lögaðila er tekið tillit til neðangreindra þátta:

  • upplýsinga um fjárhagsstöðu umsækjanda
  • að byggingarsaga umsækjanda innihaldi ekki veruleg brot á byggingarskilmálum
  • gæðakerfis byggingarstjóra og iðnmeistara

Var efnið hjálplegt? Nei