Sundhöllin
Herjólfsgötu 10b
Sími: 555 0088 | Netfang: adalsteinnh@hafnarfjordur.is |
Allar sundlaugar í Hafnarfirði verða lokaðar frá miðnætti 23. mars til 12. apríl vegna Covid-19
Sundhöll Hafnarfjarðar var fyrsta sundlaugin í Hafnarfirði. Í fyrstu var aðeins um útilaug að ræða við Krosseyrarmalir og var hún tekin í notkun árið 1943. Það var síðan árið 1953 sem Sundhöll Hafnarfjarðar var tekin í notkun eftir að byggt hafði verið yfir útilaugina.
Sundhöllin státar af innilaug sem er 25 metrar að lengd og 8.7 metrar í breidd og í dýpri enda laugarinnar er hún 3.2m djúp. Tveir rúmgóðir heitir pottar eru í afgirtum garði við bygginguna og eru þeir með öflugum nuddtækjum sem njóta mikilla vinsælda. Sérstakir saunaklefar eru í bæði karla og kvennaklefum, þeir einu sinnar tegundar hjá sundstöðum Hafnarfjarðar.
Sundhöllin er þekkt fyrir sitt rólega andrúmsloft. Laugin er mikið notuð af eldri borgurum og íbúum í nágrenni laugarinnar. Sundfélag Hafnarfjarðar er með hluta af sínum æfingatímum í lauginni og nemendur í Víðistaðaskóla og Engidalsskóla sækja þangað í skólasund.