Ásvallalaug



  • Ásvallalaug  yfirlitsmynd

Ásvallalaug

Ásvöllum 2

Sími: 512 4050   |   Netfang: sundstadir@hafnarfjordur.is

Opnunartími

Mán-fim: 06:30-22:00
Fös: 06:30-20:00
Lau: 08:00-18:00
Sun: 08:00 - 17:00

Ásvallalaug var vígð 6. september 2008 í Vallahverfi í Hafnarfirði. Sundmiðstöðin er ein sú stærsta á landinu eða um 6.000 m². Þar er einnig heilsuræktarstöðin Reebok Fitness í 600 m² rými, Ásmegin sjúkraþjálfun svo og félagsaðstaða Sundfélags Hafnarfjarðar og Íþróttafélagsins Fjarðar. Sundmiðstöðin skartar 50 metra sundlaug sem að jafnaði er skipt með brú þannig að helmingur laugarinnar er 25m að lengd og hinn helmingurinn er 50m. 

Gott aðgengi fyrir fatlaða

Lyfta með sérútbúnum hjólastól, armbandi og fjarstýringu er aðgengileg öllum þeim sem almennt eiga erfitt með að komast ofan í stærri laugar. Lyftan er af gerðinni Poolpod og var upphaflega hönnuð fyrir Ólympíuleikana í London 2012. 

Sjálfsbjörg hefur tekið saman upplýsingar um aðgengi í Ásvallalaug:

  • Aðkoma - Það eru fjögur rúmgóð sérmerkt stæði fyrir fatlaða fyrir utan inngang laugarinnar. Það er gengið beint inn af bílaplaninu. Það eru engir þröskuldar og dyrnar eru rúmgóðar.
  • Búningsklefar - Frá afgreiðslunni er stutt í búningsklefana. Það eru til staðar tveir sérklefar og er mögulegt fyrir aðstoðarmanneskju af öðru kyni að aðstoða í klefanum þar sem innangengt er í klefana af gangi. Sturtustólar eru í báðum klefunum. Við hlið þessara sérklefa eru salerni með salernisstoðum.
  • Aðstaða við sundlaug/potta - Færanleg lyfta er við sundlaugina. Við allar laugar og potta er gengið niður tröppur og eru handrið við þær.
  • Afsláttur - Frítt er í sund í Hafnarfirði fyrir öryrkja sem framvísa örorkuskírteini.
  • Upplýsingar fengnar frá fötluðum einstakling - Í Ásvallalaug í Hafnarfirði er góð aðstaða. Bæði í karla og kvennaklefinn hafa hvor um sig einn lokaðan sturtuklefa. Einnig er hægt að fara í lokaðan búningsklefa (t.d. ef sundgesturinn og aðstoðarmaður hans eru að sitt hvoru kyninu). Það er lyfta ofan í sundlaugina fyrir þá sem það þurfa (upplýsingar fengnar frá fötluðum einstaklingi).

Vinsæl laug fyrir barnafjölskyldur

Í lauginni er jafnframt 17metra barnalaug (90-110cm djúp) og 10 metra vaðlaug fyrir yngstu kynslóðina með tilheyrandi leikföngum.  Hitastig barnalauganna er um 32°C á meðan hitastig sundlaugar er 28°C. Hitastig inni í salnum er ávallt um 30°. Innanhúss er einnig vinsæl vatnsrennibraut, þrír heitir pottar og eimbað.  Utandyra eru tveir heitir pottar og mjög góð sólbaðsaðstaða. 

Starfsemin í Ásvallalaug er með fjölbreyttasta móti en þar má nefna auk hefðbundins skólasunds og sundæfinga félaganna: 

  • Waterpolo
  • Blak
  • Æfingar köfunarfélaga
  • Æfingar kajakræðara
  • Námskeið fyrir verðandi og nýbakaðar mæður
  • Námskeið í bættum sundstíl
  • Ungbarnasund
  • Vatnsleikfimi 

 

Verðskrá sundlauga

Google maps...


Var efnið hjálplegt? Nei