Vatnsveita



Vatnsveita

Vatnsból Hafnarfjarðar er í Kaldárbotnum. Þaðan liggur aðfærsluæð til bæjarins meðfram Kaldárselvegi um 6 km að lengd, síðan eftir stofnæðum og dreifilögnum sem flestar liggja í götum bæjarins.

Fyrstu tildrög að vatnsveitu í bænum munu vera að Vatnsveitufélag Hafnarfjarðar var stofnað 1904. Í fyrstu sóttu bæjarbúar vatn í vatnskrana, sem settir voru upp víðs vegar um bæinn. Síðar var farið að leiða vatn í hús.

Vatnsveita Hafnarfjarðar sér nú um vatnsöflun og dreifingu neysluvatns í Hafnarfirði. Vatn er leitt til bæjarins frá Kaldárbotnum. Núverandi aðveituæð er frá árinu 1950 og fullnægir hún enn vatnsþörf bæjarins.

Á liðnum áratugum hafa verið boraðar fjölmargar rannsókarborholur í nágrenni Hafnarfjarðar. Fyrstu holur voru vegna jarðhitaleitar og voru allar  grunnar eða 60 - 100 m. Á síðasta áratug lét Vatnsveitan bora á sjötta tug rannsóknarhola til að kanna grunnvatn, þær dýpstu tæpa 90 m. Holurnar eru dreifðar um svæðið frá Helgafelli að Straumsvík.

Neyðarsími eftir lokun skiptiborðs 664 5646

Neyðartilfelli geta t.d. tekið til vandamála í fráveitu og vatnsveitu.

Frá kl. 7:30 - 17 mán - fim og 7:30 - 15:30 á föstudögum svarar þjónustumiðstöð fyrirspurnum í síma: 585-5670


Var efnið hjálplegt? Nei