Strandgata/Linnetstígur


  • 8-Reitur-1-Hafnarfjordur-210706-ASK-arkitektar-RadhustorgAustur

Strandgata/Linnetstígur

Þétting byggðar | Fjöldi íbúða um 25 | Fjöldi íbúa um 60

 Deiliskipulag hefur verið samþykkt

  • Þétting byggðar
  • Áætlaður fjöldi íbúða: 25
  • Áætlaður fjöldi íbúa: 60
  • Staða: Deiliskipulag hefur verið samþykkt
  • Sérstaða: Græn svæði og hönnun sem auðga líf og anda miðbæjarins og ýta enn frekar undir sérstöðu sveitarfélagsins. Tækifæri fyrir fjölbreytta verslun og þjónustu, samveru, skemmtun og sköpun

Ný heildarmynd fyrir miðbæ Hafnarfjarðar

Breytingin nær til 7.400 fermetra reits sem afmarkast af Strandgötu, Reykjavíkurvegi, Austurgötu og Linnetsstíg. Ráðhústorg verði ,,grænt“ torg með áherslu á gróður, vatn og minni samkomur. Samkvæmt nýjum tillögum er Thorsplan áfram hugsað sem aðaltorgið í hjarta Hafnarfjarðar og Ráðhústorg, sem í dag er lagt undir bílastæði m.a. fyrir Bókasafn Hafnarfjarðar, kynnt sem grænt torg með áherslu á gróður, vatn og minni samkomur og viðburði. Litið er á Ráðhústorg og svæðið í kring sem eitt heildstætt og aðlaðandi svæði sem flæðir saman og tengist litlum og stórum stígum og götum í allar áttir til annarra hverfa. Áhersla er lögð á götulist og tengingar við starfsemi á jarðhæðum. Á torginu verður góð aðstaða fyrir minni samkomur og vatnsskúlptúr á miðju torgsins er ætlað að hvetja til leikja og samveru hvort sem er á hlýjum sumardegi eða þegar vatnið er þakið klakaböndum um hávetur.

18-Reitur-1-Hafnarfjordur-210706-ASK-arkitektar-YfirlitTilSudursBilar

Ráðhústorg og reiturinn í heild sinni séð úr lofti. Teikningarnar sýna vel fyrirhugaða uppbyggingu á reitnum, flæðið á torginu og tengingu í allar áttir til annarra hverfa.

12-Reitur-1-Hafnarfjordur-210706-ASK-arkitektar-YfirlitTilNordurs

8-Reitur-1-Hafnarfjordur-210706-ASK-arkitektar-RadhustorgAustur

Gömlu húsin á svæðinu munu njóta sín í nýrri götumynd

Kaffihúsið Súfistinn ásamt fyrirhugaðri viðbyggingu mun verða þungamiðjan á Ráðhústorginu og mun viðbygging Súfistans, samkvæmt hugmyndum, verða í anda gamla Hafnarfjarðar en með nútímalegum brag. Gert er ráð fyrir að viðbyggingin muni hýsa stækkun á veitingarými á jarðhæð með þaksvalir sem snúa að Strandgötu. Gamla hús Súfistans mun áfram njóta sín í götumyndinni. Á 2. og 3. hæð viðbyggingar auk rishæðar núverandi húss er gert ráð fyrir fjórum smáíbúðum. Nýjar hugmyndir gera jafnframt ráð fyrir að Beggubúð, sem byggð var 1906 og hýsir í dag verslunarminjasafn Byggðasafns Hafnarfjarðar, verði aftur flutt á upprunalega stað sinn á Strandgötunni gegnt Bæjarbíói til að ná enn frekari skírskotun til gamla Hafnarfjarðar. Lagt er til að byggt verði við Austurgötu 4a í sama stíl. Inngangur inn á Ráðhústorgið með breiðum tröppum sem snúa vel við sólu mun tengjast Austurgötu 8, sem hugsuð er undir þjónustustarfsemi með sólríkri verönd. Veröndin er jafnframt hugsuð sem aðstaða fyrir minni viðburði og mannfagnaði.

10-Reitur-1-Hafnarfjordur-210706-ASK-arkitektar-RadhustorgLoftmynd

Verslunar- og þjónustustarfsemi sem þjónar bænum öllum

Breytingin nær til reits sem er 7.400 fermetrar að flatarmáli og afmarkast af Strandgötu, Reykjavíkurvegi, Austurgötu og Linnetsstíg. Á miðsvæðum er fyrst og fremst gert ráð fyrir verslunar- og þjónustustarfsemi s.s. verslunum, skrifstofum, þjónustustofnunum, veitinga- og gistihúsum og menningarstofnunum. Þar sem aðstæður leyfa má gera ráð fyrir íbúðarhúsnæði, sérstaklega á efri hæðum bygginga. Engin hús verða rifin á svæðinu og gert ráð fyrir að ný hús eða viðbyggingar verði reist að Austurgötu 6, Austurgötu 10b, Austurgötu 14-16, Austurgötu 18, Strandgötu 9 og Strandgötu 13. Bæjarráð Hafnarfjarðar staðfesti á fundi sínum samþykkt skipulags- og byggingarráðs á framlagðri tillögu að breytingu á deiliskipulagi. Rík áhersla er lögð á að deiliskipulagstillagan verði vel kynnt íbúum þegar þar að kemur.

Ítarlegri gögn er að finna undir fundargerð bæjarráðs - sjá lið nr. 10  


Var efnið hjálplegt? Nei