Uppbygging
Hafnarfjörður stækkar!
Uppbygging á tímabilinu 2017-2040 með áherslu á árin 2021-2031
Ný hverfi verða til og eldri hverfi verða stærri. Þessi samantekt byggir á samþykktu skipulagi fyrir Hafnarfjörð eins og staðan er í febrúar 2022. Vakin er sérstök athygli á því að á Flensborgarhöfn/Óseyrarsvæði og Hraun vestur (5 mínútna hverfið) liggur fyrir samþykkt rammaskipulag og gert ráð fyrir að uppbygging og þétting byggðar gerist í áföngum. Samhliða mun vinna við deiliskipulag eiga sér stað. Að öðru leyti tekur samantektin ekki til þéttingar og nýrra hverfa sem enn eru á hugmyndastigi. Nýjum hverfum og áformum um þéttingu verður bætt við um leið og ákvarðanir liggja fyrir.
Yfirlit yfir uppbyggingu í Hafnarfirði
Mikil eftirspurn er eftir íbúðarhúsalóðum í Hafnarfirði líkt og á höfuðborgarsvæðinu öllu. Mikil uppbygging hefur átt sér stað bæði í uppbyggingu á íbúðarhúsnæði og atvinnuhúsnæði í Hafnarfirði síðustu mánuði og ár.
Uppbygging skili um 7.000 íbúðum með um 17.000 íbúum
Við áætlun á íbúafjölda er miðað við 2,5 íbúa á hverja íbúð. Séu öll svæði sem þegar eru komin á skipulag innan Hafnarfjarðar (ný hverfi og þétting byggðar) tekin saman er áætlaður fjöldi íbúa til framtíðar um 17.000.
Nýjar íbúðir verða til með þéttari byggð, nýtingu á innviðum og vannýttum svæðum
Ný hverfi með um 2.700 íbúðum og 6.750 íbúum
Þróunarreitir og fjölbýlishúslóðir í Hamranesi í Hafnarfirði fyrir alls um 1.600 íbúðir seldust hratt á árunum
Þétting byggðar með um 4.000 íbúðum og 10.000 íbúum
Hafnarfjarðarbær hefur þegar samþykkt skipulag fyrir þéttingu og uppbyggingu á eftirfarandi svæðum. Áformum um aðra þéttingu verður bætt við um leið og ákvarðanir liggja fyrir.