Stofnræsi Valla



Stofnræsi Valla

Breyting á aðal- og deiliskipulagi 

Breyting á aðal- og deiliskipulagi er nær til svæða innan Vallarhverfis, Hafnarfirði.

Bæjarstjórn Hafnarfjarðar samþykkti þann 29.04.2020 breytingar á aðal- og deiliskipulagi er ná til svæðis innan Vallarhverfis. Markmið fyrirhugaðra deiliskipulagsbreytinga er að koma fyrir stofnræsi frá Nóntorgi að Hraunvallaskóla. Lögnin fer um hverfisverndað hraun að hluta til. Breytingarnar voru auglýstar samhliða tímabilið 10.03-21.04.2020 í samræmi við 41.gr. skipulagslaga nr. 123/2010. Ein athugasemd barst og hefur umsögn skipulagsfulltrúa um hana verið send þeim sem hana gerðu. Aðal- og deiliskipulag hafa verið send Skipulagsstofnun til yfirferðar.

Þeir sem óska frekari upplýsinga geta snúið sér til skipulagsfulltrúa Hafnarfjarðar - netfang: skipulag@hafnarfjordur.is

Íbúafundur vegna framkvæmdanna

Boðað er til íbúafundar vegna framkvæmdanna miðvikudaginn 1. júlí kl. 17. Fundurinn verður haldinn hjá umhverfis- og skipulagssviði Hafnarfjarðar að Norðurhellu 2.

Fundurinn er hugsaður fyrir íbúa á völlunum, þá ekki síst þá sem búsettir eru næst framkvæmdasvæðinu, til upplýsinga um ferli og framkvæmdir þessarar nýju stofnlagnar á Völlunum, er liggur frá Hraunvallaskóla að Nóntorgi. Á fundinum verður farið yfir framkvæmdatíma lagnarinnar, en ljóst er að framkvæmd hennar er umfangsmikil og búast má við töluverðu raski. Reynt verður eftir fremsta megni að lágmarka óþægindi fyrir íbúa sem staðsettir eru nærri fyrirhugaðri lögn. Felst slíkt m.a. í að kynna fyrir íbúum framkvæmdartíma og hvar fyrirhugað er að verkið sé statt næstu mánuði.

Sjá fundargerð fundar miðvikudaginn 1. júlí 2020

Yfirlitsmynd vegna framkvæmda við Vallaræsi 

Á framkvæmdatíma er hægt að hafa samband við eftirfarandi:

  • Guðmundur Elíasson, umhverfis- og veitustjóra Hafnarfjarðar. Netfang: gudmundure@hafnarfjordur.is 
  • Daníel Gunnarsson, verkefnastjóra hjá Háfelli (verktaki)
  • Pétur Vilberg Guðnason hjá Strendingi (verkeftirlit) 


Var efnið hjálplegt? Nei