Húsnæðisbætur
Ný lög um húsnæðisbætur tóku gildi 1. janúar 2018. Markmið húsnæðisbóta er að lækka húsnæðiskostnað efnaminni leigjenda með greiðslu húsnæðisbóta vegna leigu á íbúðarhúsnæði. Sækja þarf um húsnæðisbætur til Íbúðalánasjóðs að Borgartúni 21 í Reykjavík.
Sérstakur húsnæðisstuðningur
Greiðsla sérstaks húsnæðisstuðnings tekur við af greiðslu sérstakra húsaleigubóta.
Hafnarfjarðarbær veitir sérstakan húsnæðisstuðning til þeirra sem búa við erfiðar fjárhagslega og/eða félagslegar aðstæður. Sérstakur húsnæðisstuðningur er fjárstuðningur til greiðslu á húsaleigu umfram húsnæðisbætur sem veittar eru á grundvelli laga um húsnæðisbætur nr. 75/2016.
Sérstakur húsnæðisstuðningur er reiknaður sem ákveðið hlutfall af húsnæðisbótum þannig að fyrir hverjar 1.000.- kr. í húsnæðisbætur fær leigjandi greiddar 900 kr. í sérstakan húsnæðisstuðning. Húsnæðisbætur og sérstakur húsnæðisstuðningur geta aldrei numið hærri fjárhæð en samtals 82.000 kr. og geta aldrei farið yfir 75% af húsnæðiskostnaði.
Ekki er greiddur sérstakur húsnæðisstuðningur þegar húsnæðiskostnaður að frádregnum húsnæðisbótum er 50.000 kr. eða lægri.
Varðandi nánari upplýsingar er vísað til reglna Hafnarfjarðarkaupstaðar um sérstakan húsnæðisstuðning
Skilyrði fyrir samþykki umsóknar:
- Réttur umsækjanda til húsnæðisbóta skal hafa verið staðreyndur.
- Umsækjandi skal vera orðinn 18 ára á umsóknardegi og eiga lögheimili í Hafnarfirði.
- Leiguhúsnæði skal vera í Hafnarfirði nema um sé að ræða húsnæði fyrir 15 – 17 ára börn, sbr. 7. gr. reglna þessara .
- Samanlagðar eignir umsækjanda og annarra heimilismanna, 18 ára og eldri, á síðastliðnu ári
fyrir umsókn séu ekki hærri en 5.126.000 kr.
Hér er hægt að sækja um sérstakan húsnæðisstuðning
Umsókn um sérstakan húsnæðisstuðning