Atvinnumiðstöð Hafnarfjarðar

Srandgata 4
Opið alla virka daga frá 9:00 - 15:00 nema föstudaga til 12:00
Sími 585 - 5565

Atvinnumiðstöð Hafnarfjarðar er við Strandgötu 4. Þar er sinnt svæðisbundinni vinnumiðlun, ráðgjöf og annarri þjónustu við atvinnuleitendur í Hafnarfirði.

Markmið atvinnumiðstöðvarinnar er að efla þjónustu við unga atvinnuleitendur og fólk sem hefur verið án atvinnu um langt skeið og aðstoða þá við að verða á ný virkir þátttakendur á vinnumarkaði. Sérstaklega er unnið að því að efla vinnumiðlun og faglega starfs- og námsráðgjöf, auka virkni atvinnuleitenda og byggja upp fjölbreytt framboð vinnumarkaðsúrræða á svæðinu, t.d. með auknum ráðningum atvinnuleitenda í starfsþjálfun, reynsluráðningum, vinnustaðanámi og átaksverkefnum.

Guðjón Árnason og Laufey Brá Jónsdóttir eru verkefnastjórar hjá Atvinnumiðstöðinni. Þau hvetja fyrirtæki í Hafnarfirði til þess að hafa samband og vera virk í að nýta sér þau tækifæri sem bjóðast hjá Atvinnumiðstöð Hafnarfjarðar. Jafnframt ættu atvinnuleitendur í Hafnarfirði að kíkja við og nýta sér þá þjónustu sem í boði er. Það skiptir sköpum að atvinnuleitendur festist ekki í því hlutverki að vera án atvinnu. Því kappkostar Hafnarfjarðarbær við að koma í veg fyrir langtímaatvinnuleysi

Atvinnumiðstöð Hafnarfjarðar er fyrsta atvinnumiðlunin sinnar tegundar og hefur rekstur hennar gengið vonum framar frá opnun á vormánuðum 2010. Hafnfirskir atvinnuleitendur hafa tekið þessari auknu þjónustu fegins hendi og verið afar duglegir að nýta hana.