Hjálp

Hér er hægt að nálgast algengustu spurningar og svör með notkun á Mínar síður.

Hvernig skrái ég mig inn á Mínar síður ?

Á forsíðunni er svæðið NÝSKRÁNING. Skrifaðu þar kennitölu þína og smelltu á ÁFRAM. Við það færistu yfir á nýskráningu.

Gefðu síðan upp netfang þitt og endurtaktu netfangið. Æskilegt er að þú gefir einnig upp farsíma og heimasíma. Hægt er að fá lykilorðið sent í heimabanka eða sækja það í þjónustuver Hafnarfjarðarbæjar, Strandgötu 6. Þarf þá að haka í þar til gerðan reit. Síðan smellir þú á SENDA. Ef þú valdir að fá lykilorðið í heimabankann þá verður sjálfkrafa til notendanafn og lykilorð sem sendist samstundis í heimabankann þinn. Vinsamlega skráðu þig inn í heimabankann og þar undir rafræn skjöl eða vefskjöl finnur þú upplýsingarnar. Smelltu á skjalið og þá sérðu hvaða notandanafn og lykilorð þú hefur. Notandanafnið er alltaf kennitalan þín.

Ef þú vilt þá getur þú byrjað á því að breyta lykilorðinu þínu með því að smella á tengilinn BREYTA LYKILORÐI undir STILLINGAR á MÍN SÍÐA.

Hvað eru Mínar síður ?

Þegar þú skráir þig inn opnast MÍN SÍÐA. Á henni má sjá flipana MÍN SÍÐA, MÁLIN MÍN, UMSÓKNIR, GJÖLD, SAMRÁÐ og HJÁLP. Nánari skýringu á hverju fyrir sig má sjá hér fyrir neðan.

Á MÍNUM SÍÐUM má einnig sjá yfirlit skilaboða, tengla við ýmsa þjónustu, stillingar, fréttir og fundargerðir. Hægt er að velja netsamtal við bæjarstjóra og þjónustufulltrúa í þjónustuveri Hafnarfjarðarbæjar.

Einnig má sjá Mentor hnapp og hnapp hjá leikskolinn.is sem er vefsetur með leiskólum m.a. í Hafnarfirði

Til hvers nota ég Stillingar

Þegar STILLINGAR eru valdar þá er hægt að velja hvaða fréttir, tenglar og fundargerðir birtast á MÍN SÍÐA. Þú hakar í þá reiti sem henta áhugasviði þínu og þá birtast fréttir í þeim flokkum. Jafnframt hakar þú við þá tengla sem þér þykja áhugaverðir svo og fundargerðir.

Einnig er hægt að breyta netfangi og símanúmeri undir STILLINGAR.

Hvað eru Umsóknir?

Undir flipanum UMSÓKNIR má finna yfirlit yfir rafrænar umsóknir Hafnarfjarðarbæjar. Smelltu á umsókn til að sækja um og fylgdu leiðbeiningunum á skjánum.

Hvað eru Málin mín?

Undir flipanum MÁLIN MÍN má sjá yfirlit yfir öll mál sem hefur verið stofnað til í íbúagáttinni. Hægt er að sjá málsnúmer, ábyrgðarmann málsins hjá Hafnarfjarðarbæ og stöðu máls. Með því að smella á málsnúmerið birtist yfirlit yfir málið, fylgiskjöl og saga málsins.

Hverjir geta sótt um aðgang að Mínum síðum?

Allir sem verða 18 ára á yfirstandandi ári og eldri geta fengið aðgang að Mínum síðum.

Hvað er Mentor?

Mentor er vefkerfi sem gerir þér kleift að nálgast upplýsingar frá grunnskóla barna þinna. Þessar upplýsingar eru skráðar í upplýsingakerfi sem er notað í flestum grunnskólum landsins. Á vefnum birtast upplýsingar varðandi þín börn óháð því hvaða skóla þau sækja.

Þegar þú hefur skráð þig inn á Mínar síður þá opnast fyrst SÍÐAN MÍN. Þar er hnappurinn MENTOR. Þú þarft ekki að hafa sér notandanafn og lykilorð fyrir Mentor því að innskráning í á Mínum síðum  jafngildir innskráningu í Mentor. Það þýðir að hægt er að smella á hnappinn MENTOR og skráist þú þá sjálfkrafa inn í Mentor kerfið og getur þar nálgast upplýsingar um börn þín.
Allar upplýsingar sem eru inni í Mentor eru á ábyrgð viðkomandi skóla og Mentor. Ef einhverjar upplýsingar vantar þar inni, vinsamlega hafið þá samand við viðkomandi skóla.

Hvað er Leikskólinn?

Leikskolinn er vefkerfi sem gerir þér kleift að nálgast vefsíður leikskóla barna þinna.

Þegar þú hefur skráð þig inn í íbúagáttina þá opnast fyrst SÍÐAN MÍN. Þar inni er hnappurinn LEIKSKOLINN. Þú þarft ekki að hafa sér notandanafn og lykilorð fyrir LEIKSKOLINN því að innskráning í íbúagáttina jafngildir innskráningu. Það þýðir að hægt er að smella á hnappinn LEIKSKOLINN og skráist þú þá sjálfkrafa inn í LEIKSKOLINN vefkerfið og getur þar nálgast upplýsingar um börn þín.
Allar upplýsingar sem eru inni í LEIKSKOLINN eru á ábyrgð viðkomandi leikskóla og vefsíðunnar LEIKSKOLINN. Ef einhverjar upplýsingar vantar þar inni, vinsamlega hafið þá samand við viðkomandi leikskóla.

Hvað með öryggi þess að nota íbúagáttina?

Mínar síður  eru varnar með SSL og öll samskipti á vefnum eru því dulkóðuð. Þegar notandi skráir sig inn þá breytist vefslóðin úr http í https. Í vefskoðaranum má einnig sjá lokaðan hengilás sem er til marks um að vefsíðan sé örugg.

Þegar notandi sækir um aðgang að Mínum síðum  þá sendir síðan notendanafn og lykilorð í netbanka notandans. Lykilorð eru geymd dulkóðuð í grunni kerfisins og enginn hefur því aðgang að þeim. Ef notandi týnir lykilorði sínu getur hann smellt á TÝNT LYKILORÐ á forsíðu og þá býr kerfið til nýtt lykilorð og sendir í netbankann.

Lykilorðið kemur í veg fyrir að óviðkomandi aðilar komist inn á svæði notanda og ber notandi ábyrgð á öllum aðgerðum sem framkvæmdar eru undir hans lykilorði. Leiki einhver grunur á að aðrir viti lykilorðið er nauðsynlegt að breyta því við fyrsta tækifæri. Það má gera í íbúagáttinni undir stillingar.

Það er góð venja að breyta lykilorði reglulega. Lykilorð verður að vera minnst átta stafa langt. Það má vera samsett úr tölustöfum og bókstöfum.