Samgöngur

Greiðar samgöngur eru til og frá Hafnarfirði þar sem Hafnarfjörður er hluti af samgöngukerfi höfuðborgarsvæðisins

Megin markmið í mótun gatnakerfis er að mæta þörfum samfélagsins um greiðar samgönguleiðir og jafnframt að tryggja umferðaröryggin allra vegfaranda þ.e. akandi, gangandi, hjólandi og  ríðandi.

Gönguleiðir skólabarna hafa verið skrásettar í flestum skólum bæjarins.  Þær upplýsingar hafa lagt grunn að stígakerfi bæjarins sem og verið nýtt við gerð 30km hverfa í bænum.

Strætó bs annast almenningssamgöngur í Hafnarfirði. Endastöð allra stofnleiða eru á Hlemmi í  Reykjavík. Þrjár leiðir kerfisins þjóna Hafnfirðingum þar af ein hringleið í bæjarfélaginu. Miðbær Hafnarfjarðar er miðstöð almenningssamgangna í Hafnarfirði. Það er eðli þjónustukerfa almenningssamgangna að því er breytt í takt við breytingar á byggð og ferðavenjum. Þannig mun leiðakerfið í framtíðinni verða útvíkkað til að þjóna nýjum hverfum í Hafnarfirði. Almenningsvagnar eiga almennt að njóta forgangs í umferð.

Heimasíða Strætó www.bus.is