Álfaberg



Álfaberg

Breiðvangur 42

Sími: 555 3021  |   Netfang: alfaberg@hafnarfjordur.is   |   Vefsíða

Í ágúst 2010 flutti leikskólinn frá Álfaskeiði 16 í nýtt húsnæði sem einnig er í Víðistaðaskóli í Engidal að Breiðvangi 42. Fyrsta mánuðinn vorum við í bráðabirgðarstofum á neðri hæð grunnskólans en 22. september var flutt í núverandi húsnæði og tvær deildir voru opnaðar, Baggalá og Keilir. Hefð hafði verið fyrir því í grunnskólanum að skíra skólastofurnar eftir kennileitum úr Hafnarfirði og nágrenni. Ákváðum við að halda þeirri hefð á deildunum okkar.

Áður en við fluttum höfðum við sérhæft okkur í starfi með 5 ára börnum og var leikskólinn eingöngu opinn þeim aldri. Eftir að leikskólanum á Álfaskeiði var lokað fórum við að taka á móti börnum frá 18 mánaða til 5 ára. Margt af því góða starfi sem unnið hafði verið á gamla staðnum tókum við með okkur og munum halda áfram að þróa það á nýjum stað. Í huga starfsmanna var leikskólanum Álfabergi fyrir 5 ára börn lokað og nýr leikskóli tók til starfa í Norðurbænum undir sama heiti, þ.e. Álfaberg. Við lítum því svo á að afmælisdagur leikskólans sé 22. september því þá tók hann til starfa með tilkomu opnun nýju deildanna. 

Haustið 2012 opnaði þriðja deild leikskólans og fékk hún nafnið Helgafell. Í ársbyrjun 2013 opnuðu síðan síðustu deildirnar okkar tvær og heita þær Búrfell og Esja. Í þeim áfanga varð starfsmannaaðstaða tilbúin og sérkennslustjóraherbergi leit dagsins ljós. Sumarið 2013 var síðan útisvæði fyrir yngri börn leikskólans tekið í notkun. Það var ótrúlegur tíminn sem við áttum hér frá því að við fluttum inn og þar til allar deildarnar voru tilbúnar, mikið rót í umhverfi okkar og margir iðnaðarmenn að störfum. Starfsmannahópurinn, foreldrar og börn voru þó ótrúlega þolinmóð og jákvæð og eigum við mörgum margt að þakka. 

 

 

Google maps


Var efnið hjálplegt? Nei