Hraunvallaskóli



Hraunvallaskóli

Drekavellir 9

Sími: 590 2800   |   Netfang: hraunvallaskoli@hraunvallaskoli.is    |   Vefsíða

Hraunvallaskóli er heimaskóli fyrir Vallahverfið í Hafnarfirði og var stofnaður árið 2005. Hann er heildstæður grunnskóli frá 1.-10. bekk og nemendafjöldi í kringum 900.

Í skólastarfinu er lögð áhersla á einstaklingsmiðun í námi, sveigjanlega kennsluhætti, lotukerfi í list- og verkgreinum, samþættingu námsgreina og samstarf við leikskóla sem starfræktur er í sameiginlegu skólahúsnæði. Unnið er eftir aðferðafræði SMT-skólafærni sem miðar að því að efla jákvæð samskipti og tryggja öryggi og velferð nemenda og starfsfólks.

Í skólanum er náms- og starfsráðgjöf veitt, sálfræðiþjónusta, talmeinaþjónusta, þjónusta við nemendur með sérþarfir, stuðningur við tvítyngda nemendur og almenn barnavernd í samræmi við lög á hverjum tíma. Skólaráð er starfandi við skólann og sömuleiðis foreldrafélag.

Fjölbreytt félagslíf er í félagsmiðstöð skólans fyrir nemendur og frístundaheimili fyrir nemendur í 1.-4. bekk eftir kennslu til loka vinnudags. Unnið er eftir starfsskrá tómstundamiðstöðva Hafnarfjarðar. Skólablað skólans heitir Brosið og er gefið út reglulega.

Gildi skólans eru vinátta, samvinna og ábyrgð.

Skólastjóri er Lars Jóhann Imsland og aðstoðarskólastjóri er Guðrún Sturlaugsdóttir.

Google maps


Var efnið hjálplegt? Nei