Réttindagæsla fatlaðs fólks



Réttindagæsla fatlaðs fólks

Velferðarráðherra ber ábyrgð á opinberri stefnumótun og eftirliti með að þjónustan sé í samræmi við markmið laga og reglugerða og að réttindi fatlaðs fólks séu virt. 

Fatlað fólk getur leitað til réttindagæslumanns með allt sem varðar réttindi þess, fjármuni og önnur persónuleg mál. Það má gera með því að hringja eða senda tölvupóst og hann aðstoðar fólk við að leita réttar síns. 

Þeir sem telja að brotið sé á réttindum fatlaðs fólks eiga að tilkynna það réttindagæslumanni. Hann getur einnig tekið upp mál að eigin frumkvæði. Starfsmönnum (Nafn félagsþjónustu) er skylt að veita réttindagæslumanni þær upplýsingar sem hann þarf vegna starfs síns.  

Fatlað fólk sem á erfitt með að gæta réttar síns getur valið sér persónulegan talsmann sem hjálpar því að koma óskum sínum á framfæri.  Talsmaðurinn aðstoðar fólk við að gæta réttar síns og við önnur persónuleg málefni,  svo sem meðferð heilbrigðisstarfsmanna, val á búsetu, atvinnu, tómstundum og ráðstöfun fjármuna.  

Skilyrði fyrir því að verða persónulegur talsmaður er þekking á persónulegum þörfum og áhugamálum þess sem hann aðstoðar. Starf persónulegs talsmanns er ólaunað en hann fær endurgreiddan kostnað vegna starfa sinna.

Frekari upplýsingar um réttindagæslumenn eru hér (Opnast í nýjum vafraglugga) í lögum um réttindagæslu fatlaðs fólks.

Hér er hægt að sjá starfandi réttargæslumenn


Var efnið hjálplegt? Nei