Ferðaþjónusta



Ferðaþjónusta

Megintilgangur ferðaþjónustu fatlaðs fólks er að notendur hennar geti stundað vinnu, nám, hæfingu, þjálfun og tómstundir og notið heilbrigðisþjónustu.

Ferðaþjónustan er ætluð til afnota fyrir íbúa Hafnarfjarðar sem eru andlega eða líkamlega skertir og geta ekki nýtt sér almenningsfarartæki. 

Gjald fyrir hverja ferð hjá ferðaþjónustu fatlaðs fólks skal miðast við hálft almennt gjald hjá Strætó bs. samkvæmt gjaldskrá hverju sinni.

Almennar reglur um ferðaþjónustu

  1. Aksturstími er alla daga frá kl. 07:00 til kl. 24:00. Á stórhátíðum miðast akstur við Strætó bs.
  2. Pöntunarsími akstursþjónustu Hópbíla hf. er 599-6071 eða senda tölvupóst á netfangið  ragna@hopbilar.is. Vaktsími eftir lokun er 822-0071. Símaþjónustan er opin alla virka daga frá kl. 9:00 til kl.16:00. Fyrirvari pantana er sólarhringur, nema fyrir mánudaga þarf pöntun að berast á föstudegi. Kvöldferðir er hægt að panta samdægurs til kl. 16:00 á virkum dögum. Sama regla gildir um afpöntun ferða, að öðrum kosti teljast þær með í uppgjöri. Ekki er tekið á móti pöntunum ferða utan opnunartíma nema í undantekningartilfellum.
  3. Akstur miðast við að og frá anddyri. Bílstjórar aðstoða ekki þar sem snjór, hálka eða aðrar hindranir eru á veginum. Aðstoð skal vera fyrir hendi við allar útitröppur sem liggja að anddyri.
  4. Farþegar skulu vera tilbúnir til brottfarar í anddyri á umsömdum tíma. Bílstjórar fara ekki í sendiferðir fyrir farþega. Ekki er beðið eftir farþega á meðan hann sinnir erindi sínu, sama hvers eðlis það er. Ein ferð telst frá A til B (farþega er heimilt að taka með sér aðstoðarmann, en hann greiðir sama gjald og gildir hjá Strætó bs.) Seta farþega í bíl getur orðið allt að 30-50 mínútur í hverri ferð eftir áfangastöðum. Ferðir geta tafist eða fallið niður vegna veðurs, bilana eða annarra ófyrirsjáanlegra orsaka.
  5. Geti farþegi ekki ferðast einsamall án þess að valda öðrum óþægindum getur akstursþjónusta Hópbíla hf. krafist fylgdarmanns með honum.
  6. Skila þarf skriflegri umsókn sjúkraþjálfara, læknis eða annars fagmanns um þörf á ferðaþjónustu, fjölda ferða og tímalengd þjálfunar eða endurhæfingar.
Reglur um aksturþjónustu fatlaðs fólks í Hafnarfirði

sækja um ferðaþjónustu

Var efnið hjálplegt? Nei