Í skólastefnu Hafnarfjarðar segir eftirfarandi um tónlistarnám:

Tónlistarnám

Sem flestum nemendum gefist kostur á tónlistarnámi í Hafnarfirði.  Það verði gert með starfrækslu öflugs Tónlistarskóla á fræðslusviði sem einbeiti sér að kennslu nemenda sem sýnt hafa hæfileika til hljóðfæranáms.  Forskóli verði rekinn sem sjálfstæð eining á fræðslusviði í samstarfi við TH og grunnskólana.  Nemendum gefist kostur á fjölbreyttu tónlistarnámi í framhaldi af forskólanum.  Þaðan opnist leið í frekara tónlistarnám fyrir þá nemendur sem sýna hæfileika til þess.

Leiðir

• Kappkosta að skólanámskrá TH taki mið af nýrri aðalnámskrá og greinanámskrám þar sem rík áhersla er lögð á að nemendur öðlist áhuga á tónlist og tónlistariðkun.
• Búa nemendum fjölbreytt skilyrði til að þroska tónlistarhæfileika sína og sköpunargáfu, svo sem við að hlusta á tónlist við margs konar aðstæður og skapa eigin tónlist.
• Bjóða upp á kennslu í söng og á öll helstu hljóðfæri.
• Í náminu verði nemendur hvattir til að syngja og leika á hljóðfæri, skapa eigin tónlist, taka þátt í samleik og samsöng, hlusta á tónlist og koma fram á tónleikum.
• Grunnskólanemendum gefist kostur á að stunda hluta af tónlistarnámi sínu í samfelldum skóladegi í eigin skóla þar sem húsnæði skólans leyfir.
• Forskólakennsla yngstu barna fari fram á skólatíma grunnskólans.
• Gert verði ráð fyrir kennslurými sérstaklega ætluð til tónlistarkennslu við hönnun nýrra skólamannvirkja.
• Gefa fleiri nemendum kost á hljóðfæranámi og kórstarfi með m.a. hópkennslu, stofnun skólahljómsveita o.fl. þ.h.
• Leggja áherslu á félagslegt gildi tónlistariðkunar með þátttöku nemenda í samleik.
• Prófdæming og námsmat verði samræmt milli deilda.