Mættir voru allir aðalbæjarfulltrúar nema Haraldur Þór Ólason. Í hans stað mætti Skarphéðinn Orri Björnsson.

Bæjarlögmaður var fundarritari.

Forseti bæjarstjórnar, Ellý Erlingsdóttir, setti fundinn og stjórnaði honum.

Samþykkt var með 11 samhljóða atkv. tillaga forseta um að 2. liður í fundargerð bæjarráðs, fjárhagsáætlun bæjarsjóðs Hafnarfjarðar 2008 og 6. liður í fundargerð fræðsluráðs, fræðslusvið, fjárhagsáætlun 2008, verði ræddir og afgreiddir undir 4. lið á þessum fundi. 

Gengið var til dagskrár og fyrir tekið:

 

 

            Lúðvík Geirsson tók til máls. Þá Rósa Guðbjartsdóttir, Guðrún Ágústa Guðmundsdóttir, Skarphéðinn Orri Björnsson. Gunnar Svavarsson kom að andsvari sem ræðumaður svaraði. Gunnar Svavarsson kom að andsvari öðru sinni. Almar Grímsson tók til máls. Síðan Lúðvík Geirsson. Almar Grímsson veitti andsvar. Einnig Skarphéðinn Orri Björnsson og Rósa Guðbjartsdóttir.          Lúðvík Geirsson tók til máls. Þá Guðrún Ágústa Guðmundsdóttir. Skarphéðinn Orri Björnsson veitti andsvar. Gunnar Svavarsson tók til máls. Síðan Almar Grímsson. Gunnar Svavarsson veitti andsvar. Skarphéðinn Orri Björnsson tók til máls. Gunnar Svavarsson veitti andsvar.

 

 

Í tillögu bæjarfulltrúa Sjálfstæðisflokksins vantar mikilvæga þætti varðandi mögulega aðkomu bæjarins að þeim fyrirtækjum sem eru að veita grunnþjónustu á sviði orku- og veitumála í bænum. Jafnframt gengur tillagan hvað varðar ráðstöfun á innlausnarvirði hlutafjáreignar í HS þvert á tillögur og ráðleggingar þeirra sérfræðinga sem bæjarráð hefur fengið álit frá. Af þessum ástæðum m.a. er ekki skynsamlegt að samþykkja þá tillögu.”

 

 

“Bæjarfulltrúar Sjálfstæðisflokksins lýsa yfir miklum vonbrigðum með þá ákvörðun vinstri manna í bæjarstjórn Hafnarfjarðar að ganga ekki hreint til verks og selja allan hlut bæjarins í Hitaveitu Suðurnesja.

Einnig er það mjög óljóst og enn opið hve stórum hlut bæjaryfirvöld hyggjast halda eftir í HS.

Þótt ákveðið yrði að halda eftir litlum hlut, t.d. 5%, myndi það þó kosta bæjarbúa 400 milljónir króna. Slíkt er ekki til þess fallið að tryggja hagsmuni bæjarbúa. Enn síður virðist það til þess fallið að tryggja hag bæjarbúa að kaupa hlut í OR sem bindur fé bæjarbúa sem sárlega þarf á að halda til að greiða niður skuldir Hafnarfjarðarbæjar, sem vaxið hafa hratt í tíð núverandi meirihluta Samfylkingarinnar. Rökin fyrir hugsanlegri fjárfestingu Hafnarfjarðarbæjar í Orkuveitu Reykjavíkur liggja heldur ekki fyrir af hálfu vinstri manna.
Í tillögu Sjálfstæðismanna er lögð rík áhersla á að skuldir og skuldbindingar Hafnarfjarðarbæjar verði greiddar niður og svigrúm þannig skapað til að lækka útsvar og háa fasteignaskatta sem lagðir eru á Hafnfirðinga.”

 

 

 

Enginn kvaddi sér hljóðs.

 

 

Enginn kvaddi sér hljóðs.

 

Lúðvík Geirsson tók til máls.Lagði hann fram svohljóðandi breytingatillögur fulltrúa Samfylkingar við frumvarpið að fjárhagsáætluninni dags. 18. des. 2007:

 

 

 

Þá tók Haraldur Þór Ólason til máls. Lagði hann fram breytingatillögur fulltúa Sjálfstæðisflokks við tillögu um álagningu sveitarsjóðsgjalda:

“Bæjarfulltrúar Sjálfstæðisflokksins gera eftirfarandi tillögur um breytingar á tillögu Samfylkingar um sveitarsjóðsgjöld.

Þá lagði hann fram svohljóðandi tillögu:

“Bæjarstjórn Hafnarfjarðar samþykkir að fela bæjarráði að láta vinna tillögur um almenna hagræðingu í rekstri málaflokka á fjárhagsárinu 2008 með því meginmarkmiði að ná 400 milljón króna lækkun á útgjöldum bæjarins til reksturs. Jafnframt verði framkæmdaráði falið að gera tillögur um breytingu á framkvæmdaáætlun og frestun framkvæmda á árinu 2008 við byggingar, götur og opin svæði, sem nemur 600 milljónum króna.”

Gunnar Svavarsson veitti andsvar.

Guðrún Ágústa Guðmundsdóttir tók til máls. Lagi hún fram svohljóðandi breytingatillögur bæjarfulltrúa Vinstri grænna við fumvarpið að fjárhagsáætlun Hafnarfjarðarkaupstaðar fyrir árið 2008:

Bæjarstjórn Hafnarfjarðar samþykkir að allri gjaldtöku af nemendum í grunnskólum Hafnarfjarðar verði hætt haustið 2008, þar með talið gjaldtöku fyrir hádegismat og heilsdagsskóla.

 

Bæjarstjórn Hafnarfjarðar samþykkir að árið 2008 verði leikskólagjöld 5 ára barna felld niður fyrir 8 tíma viðveru.
Guðrún Ágústa Guðmundsdóttir (sign)

 

 

Bæjarstjórn Hafnarfjarðar samþykkir að festa kaup á færanlegum búnaði til að mæla loftgæði í Hafnarfirði. Heilbrigðiseftirliti Hafnarfjarðar- og Kópavogssvæðis verði falið að annast kaup á þeim búnaði sem uppfyllir þær gæðakröfur sem nauðsynlegar eru taldar til mengunarmælinga í þéttbýli.

 

Bæjarstjórn Hafnarfjarðar samþykkir að hvetja bæjarbúa til að flokka sorp af enn meiri krafti en verið hefur með því að bjóða bæjarbúum að staðsetja grænar og bláar tunnur við fjölbýlis-, rað, par- og einbýlishús í bænum.

Bæði græna og bláa tunnan verður eign bæjarins.

Þeim bæjarbúum sem kjósa að nota græna tunnu í stað venjulegrar sorptunnu munu greiða helmingi lægra sorphirðugjald þar sem grænar tunnur eru losaðar á tveggja vikna fresti.

Verð fyrir bláa tunnu verður 5.500 krónur á ári og er leiguverð innifalið í árlegu sorpeyðingargjaldi fyrir tunnuna.

Heildar sorphirðugjald þeirra sem kjósa að nota bæði bláar og grænar tunnur verður því 12.000 króna ár ári í stað 13.000 króna fyrir hefðbundið sorpeyðingargjald.

 

Bæjarstjórn Hafnarfjarðar samþykkir að setja á stofn starfshóp skipaðan fulltrúum úr íþrótta- og tómstundanefnd og skipulags- og byggingarráði til að vinna að uppbyggingu skautahallar í Hafnarfirði. Verksvið starfshópsins verði að skoða mögulega staðsetningu, hönnun og byggingu skautahallar fyrir vetraríþróttafélag Hafnarfjarðar og skautaiðkun fyrir almenning.

 

Bæjarstjórn Hafnarfjarðar samþykkir að veita sérstöku fé til að vinna að leiðréttingu 6% kynbundins launamunar sem fram kom í launakönnun Hafnarfjarðarbæjar 2007, framkvæmd af ParX viðskiptaráðgjöf sem unnin var í júní 2007.

Skipaður verði starfshópur með fulltrúum allra flokka sem skoði hvar þessi launamunur er og hvernig eigi að nýta það fé sem veitt verður til að leiðrétta þennan mun.

 

Bæjarstjórn Hafnarfjarðar samþykkir að hefjast handa við að laga stjórnun og rekstur Hafnarfjarðarbæjar að kröfum alþjóðlegra gæðastaðla. Slíkt verði gert með því að Hafnarfjarðarbær óski eftir því að vera tekinn út samkvæmt gæðastöðlunum ISO 9001 og 14001 til að sjá hvað sveitarfélagið þarf að gera til að standast þær gæðakröfur sem gerðar eru samkvæmt gæðakerfi ISO.

Stefnt verði að vottun á starfsemi framkvæmdasviðs fyrir árslok 2008. Önnur svið bæjarins fylgi þar á eftir.

 

Bæjarstjórn Hafnarfjarðar samþykkir að setja á stofn starfshóp með fulltrúum allra flokka til að skoða möguleika á að koma á þjónustumiðstöð Hafnarfjarðar. Starfshópnum er ætlað að skoða hugmyndafræðina að baki þjónustumiðstöðum Reykjavíkurborgar og reynslu Reykvíkinga af starfsemi slíkra stöðva í borginni.

 

Bæjarstjórn Hafnarfjarðar samþykkir að láti útbúa upplýsingabækling með nauðsynlegustu upplýsingum fyrir nýja íbúa í bænum á nokkrum tungumálum auk blindraleturs.

Nýir íbúar fái slíkan bækling sendan við flutning til bæjarins.

 

 

 

Settur verði á fót starfshópur með fulltrúum allra flokka til að undirbúa skipulagsvinnu að umhverfisvænu og sjálfbæru hverfi á forsendum Staðardagskrár 21. Hlutverk starfshópsins verði að finna hentugt svæði undir slíkt hverfi, leita upplýsinga um fyrirmyndir að slíkum hverfum og hefja undirbúning að hönnun hverfisins.

 

Bæjarstjórn Hafnarfjarðar samþykkir að láta gera rannsókn á námserfiðleikum stúlkna í Hafnarfirði með það að markmiði að reyna að finna leiðir til að koma til móts við þær með markvissari hætti en gert er í dag.

 

Bæjarstjórn Hafnarfjarðar samþykkir að fela bæjarlögmanni að vinna að kynningu á barnasáttmála Sameinuðu þjóðanna sem hægt verði að nota í grunnskólum bæjarins frá og með hausti 2008.

Samkvæmt samningnum ber aðildarríkjunum að kynna efni hans með virkum hætti jafnt fyrir börnum sem fullorðnum. Það er því kjörið að Hafnarfjörður sýni gott fordæmi og hefði kynningu á sáttmálanum fyrir börnum sveitarfélagsins.”

 

Almar Grímsson tók til máls. Lagði hann fram breytingatillögur við fyrirliggjandi tillögur um álagningu fasteignagjalda í Hafnrfirði fyrir árið 2008:

Einnig lagði hann fram svohljóðandi breytingatillögur:

 

Rósa Guðbjartsdóttir tók til máls og lagði fram svohljóðandi tillögu:

“Bæjarstjórn Hafnarfjarðar leggur til að fram fari ítarleg úttekt fagaðila á stofnunum fræðslusviðs Hafnarfjarðar. Markmið úttektarinnar verði að leita leiða til að ná fram meiri skilvirkni og hagræðingu í rekstri en nú er. Það er ljóst að útgjöld til fræðslumála aukast jafnt og þétt og hækka nú um tæpar 900 milljónir króna milli ára. Rúmlega 60 % af heildartekjum aðalsjóðs bæjarins, eða 6,3 milljarðar króna fara til fræðslumála á komandi ári. Ljóst er að gæta þarf aðhalds og hagræðingar til að þjónusta við íbúa Hafnarfjarðar megi eflast eins og kostur er.

Í úttekt og endurskipulagningu fræðslumála verði sérstaklega hugað að fjölbreyttara rekstrarformi og auknu fjárhagslegu sjálfstæði skólastofnana bæjarins. Aukin hagræðing og sjálfstæði einstakra skólastofnana gefur skólunum sjálfum, og því metnaðarfulla fólki sem þar starfar, tækifæri til að ná enn meiri árangri í störfum sínum.”  

 

Gunnar Svavarsson veitti andsvar. 1. varaforseti, Guðmundur Rúnar Árnason, tók við fundarstjórn. Ellý Erlingsdóttir tók til máls. Rósa Guðbjartsdóttir veitti andsvar. Ellý Erlingsdóttir veitti andsvar. Rósa Guðbjartsdóttir veitt andsvar öðru sinni. Gunnar Svavarsson tók til máls. Forseti tók við fundarstjórn að nýju. Rósa Guðbjartsdóttir veitti andsvar. Lúðvík Geirsson tók til máls. Þá Almar Grímsson sem lagði fram svohljóðandi tillögu:

 

 Haraldur Þór Ólason tók til máls. Þá Gunnar Svavarsson. Haraldur Þór Ólason veitti andsvar sem ræðumaður svaraði. Haraldur Þór Ólason veitti andsvar öðru sinni sem ræðumaður svaraði einnig. Lúðvík Geirsson tók til máls, síðan Almar Grímsson, Lúðvík Geirsson, Almar Grímsson, Lúðvík Geirsson, Almar Grímsson og Lúðvík Geirsson.

 

 

 

 

 

Haraldur Þór Ólason kom að svohljóðandi bókun:

-         Skuldir og skuldbindingar aukast um fjóra milljarða króna árið 2008

-         Frá því Samfylkingin komst til valda hafa skuldir og skuldbindingar aukist um 13 milljarða króna á fimm árum

-         Samfylkingin boðar offramkvæmdir á þenslutímum

-         Samfylkingin hyggst hækka fasteignagjöld í Hafnarfirði um 10% þvert á gefin loforð

-         Hækkaðar verða gjaldskrár leikskóla, heilsdagskóla og tónlistarskóla sem og verð á skólamáltíðum

-         Útgjöld til fræðslumála aukast gríðarlega eða um 900 milljónir á milli ára og þenst málaflokkurinn stjórnlaust út ár frá ári

-         Samfylkingin vill ekki lækka útsvar á bæjarbúa

-         Samfylkingin rekur markvissa háskattastefnu og lætur Hafnfirðinga ekki njóta góðæris og hás atvinnustigs í þjóðfélaginu

-         Það ríkir ráðaleysi við fjármálastjórnun Samfylkingarinnar í Hafnarfirði.”

 

Guðrún Ágústa Guðmundsdóttir kom að svohljóðandi bókun:

“Enn er lagt upp með fjárhagsáætlun meirihluta Samfylkingarinnar og sem fyrr er margt gott en annað miður.

 

Annað árið í röð er ekki gert ráð fyrir hækkun á fjárframlagi til umhverfismála hjá Hafnarfjarðarbæ. Það er því ekki hægt að segja annað en að fjárhagsáætlun einkennist af metnaðarleysi í umhverfismálum. Til að efla Hafnarfjörð í umhverfismálum leggur bæjarfulltrúi Vinstri grænna til að ráðist verði í kaup á færanlegri loftgæðastöð til að mæla loftgæði í Hafnarfirði, bæjarbúar verði hvattir til að flokka sorp enn frekar með því að bjóða upp á grænar og bláar tunnur og að skipaður verði starfshópur til að undirbúa skipulag á sjálfbæru hverfi á forsendum Staðardagskrár 21.

 

Eftirfylgni fagurra orða sér ekki alltaf stað í fjárhagsáætlun, en eins og reynt fólk veit dugir ekki aðeins að hafa stefnu, til þess að framkvæma hana þurfa fjármunir að fylgja og atgervi til framkvæmda. Enn einu sinni á að hækka skólagjöld leik- og grunnskóla og ekkert er þannig að gert í því sjálfsagða máli að gera opinber skólastig gjaldfrjáls. Eins má spyrja hvar sé aukið fjármagn til jafnréttismála? Hvar er fjármagn til umhverfismála? Það er ekki í fjárhagsáætlun meirihlutans þetta árið. Fjárhagsáætlunin einkennist öðru fremur af fjárútlátum í byggingum - minna er fjárfest í umhverfi og jafnrétti. Kynbundinn launamunur er eitthvað sem við eigum ekki að sjá hjá sveitarfélagi eins og Hafnarfirði árið 2007. Samkvæmt launakönnun ParX viðskiptaráðgjafar er 6% kynbundinn launamunur hjá Hafnarfjarðarbæ. Það er því mikilvægt að veita sérstöku fé til að vinna að leiðréttingu á þeim mun í stað þess að reyna að túlka niðurstöðurnar sér í hag.

 

Flestar tillögur bæjarfulltrúa Vinstri grænna snerta yngstu íbúa Hafnarfjarðarbæjar. Hér eru það tillögur að grunnskóla án gjaldtöku og átta tíma gjaldfrjálsrar viðveru 5 ára barna í leikskólum Hafnarfjarðar sem einnig voru fluttar við síðustu fjárhagsáætlun auk þess sem lögð er áhersla á að ráðist verði í rannsókn á námserfiðleikum stúlkna í Hafnarfirði. Einnig er lagt til að bæjarlögmanni verði falið að vinna að kynninngarefni um barnasáttmála Sameinuðu þjóðanna sem hægt verði að nota til kynningar í grunnskólum bæjarins eigi síðar en haustið 2008. Allt eru þetta tillögur sem gera Hafnarfjörð að betri bæ fyrir börn Hafnarfjarðar - góður bær fyrir börn er betri bær fyrir alla.

 

Við síðustu fjárhagsáætlun flutti bæjarfulltrúi Vinstri grænna tillögu um fullt aðgengi fatlaðra að umhverfi og byggingum Hafnarfjarðar. Tillögunni var vísað til framkvæmdaráðs sem því miður hefur ekki séð sér fært að framkvæma nema lítinn hluta tillögunnar á því ári sem liðir er frá því henni var vísað til ráðsins. Er því tillagan flutt enn á ný örlítið breytt með von um skjótari úrlausn að þessu sinni.

  

Síðast en ekki síst er það stjórnsýsla Hafnarfjarðarbæjar. Stefna Hafnarfjarðarbæjar hvað stjórnsýsluna varðar ætti að vera leiðandi á sviði gæðastjórnunar, jákvæðrar ímyndar og þjónustu. Til að uppfylla slíkt er lagt til að framkvæmdasvið verði tekið út samkvæmt ISO 9001 og 14001 staðli fyrir árslok 2008 og önnur svið stjórnsýslunnar verði tekin út í kjölfarið.

Í stækkandi sveitarfélagi eins og Hafnarfirði skiptir máli að stjórnsýslan sé í stöðugri endurskoðun og læra af reynslu annarra sveitarfélaga í þeim efnum. Hér er því lagt til að starfshópur skoði möguleika á að setja á stofn þjónustumiðstöð til að hækka enn frekar gæði þeirrar þjónustu sem bærinn veitir, endurskipuleggja þjónustuna, auka hagkvæmni og auðvelda bæjarbúum aðgengi að þjónustu.

 

Þar sem samþykkt hefur veri ðað vísa flestum tillögum Vinstri grænna til frekari umfjöllunar til ráða, nefnda og starfsmanna bindur bæjarfulltrúi Vinstri grænna miklar vonir við að sem flestar þeirra nái fram að ganga á árinu 2008.”

 

Lúðvík Geirsson kom að svohljóðandi bókun:

“Fjárhagsáætlun sú sem bæjarstjórn hefur nú samþykkt fyrir rekstur og framkvæmdir í Hafnarfjarðarbæ á árinu 2008 einkennist af framförum og enn frekari uppbyggingu í bæjarfélaginu á grunni traustrar og ábyrgrar fjármálastjórnar.    Árangur markvissrar vinnu við að treysta innviði og styrkja alla grunnþætti bæjarfélagsins á síðustu árum liggur nú fyrir með skýrum hætti. Tölurnar tala sínu máli í ársreikningum síðustu ára og þeirri útkomuspá sem nú liggur fyrir varðandi það ár sem er að líða.

Hafnarfjörður er það sveitarfélag á landinu þar sem bæði íbúafjölgun hefur verið hvað mest á undanförnum árum og einnig það sveitarfélag þar sem fjárhagsmál hafa snúist verulega til betri vegar. 

Þau meginmarmarkið sem sett hafa verið hafa náðst fram og frá þeirri stefnu verður í engu hvikað á komandi ári.

 

Áfram verður lög rík áhersla á trausta og góða þjónustu í skóla, æskulýðs, íþrótta- og velferðarmálum. Aukið verður við niðurgreiðslur til barna og unglingastarfs í íþrótta- og æskulýðsmálum, starfsemi félagsmiðstöðva grunnskólanna aukin og styrkt starfsemi í heimaþjónusta við eldri borgara auk þess að gert verður sérstakt átak í fjölgun félagslegra leiguíbúða. Þá verður lokið stórátaki síðustu ára í fráveitumálum sem mesta umhverfisátak sem bæjarfélagið hefur ráðist í.

 

Tekin verður í notkun glæsileg sundmiðstöð á Völlum, framkvæmdum við Hraunvallaskóla lokið, tekin í notkun nýr leikskóli við Hamravelli, hafnar framkvæmdir við nýjan leik og grunnskóla við Bjarkarvelli og unnið af krafti við íþróttaaðstöðu og nýtt frjálsíþrótthús í Kaplakrika.

Unnið verður við gatnagerð á nýjum íbúða og atvinnusvæðum fyrir vel á annan milljarð króna og sérstök áhersla lögð á fegrun bæjarins og útivistarsvæði m.a. við Hamarskostlækinn, Byggðasafnið, áframhald strandstígsins við Norðurbakka, Hellisgerði og Hvaleyrvatn auk framkvæmda vítt og breytt í hverfum bæjarins.

 

Framkvæmdir verða meiri en dæmi eru um áður í sögu bæjarfélagsins. Það er eðlileg afleiðing þeirrar miklu íbúafjölgunar og uppbyggingar sem átt hefur sér stað síðustu ár en áfram er spáð mikilli fjölgun íbúa í bænum. Samhliða traustum rekstri bæjarfélagsins hefur framkvæmdageta vaxið að mun án þess að þörf sé á nýjum langtímalánum. Það segir mest um þær miklu breytingar sem orðið hafa á stöðu Hafnarfjarðarbæjar síðustu árin.   Niðurstöðutölur fjárhagsáætlunar tala sínu máli:

 

·        Eingöngu er gert ráð fyrir nýjum langtímalántökum á árinu   2008 vegna átaks í kaupum á leiguíbúðum. 

Stóryrtar yfirlýsingar bæjarfulltrúa Sjálfstæðisflokksins eru marklausar og í engum takti við þær miklu breytingar sem hafa orðið á fjárhag bæjarfélagsins á síðustu árum og lækkandi skuldastöðu.

Tillögur bæjarfulltrúa Sjálfstæðisflokksins við afgreiðslu fjárhagsáætlunar eru einnig í fyllsta máta óábyrgar. Annars vegar er lagt til að lækka tekjur bæjarfélagsins verulega með lækkun útsvarsprósentu  og fasteignagjöldum.    Hins vegar að mæta þeirri lækkun rekstrartekna með niðurskurði útgjalda uppá 400 milljónir án þess að lagðar séu fram  neinar útfærslur á þeim niðurskurði sem Sjálfstæðisflokkurinn boðar.   Tillöguflutningur sem þessi er algerlega marklaus.

 

Árið 2008 er hátíðarár í Hafnarfirði þegar fagnað verður 100 ára kaupstaðarafmæli bæjarfélagsins. Í fjárhagsáætlun er gert ráð fyrir umtalsverðum fjármunum til bæði framkvæmda og hátíðarhalda á þeim merku tímamótum sem vert er að minnast með verðugum hætti.

 

Komandi ár er auk þess að vera ár mikilla framkvæmda og uppbyggingar á öllum sviðum ár nýrra kjarasamninga við allar starfsstéttir bæjarfélagsins. Fjárhagsáætlunin tekur mið af þeirri staðreynd og ljóst er að launakostnaður mun hækka sem hlutfall af rekstrargjöldum. 

 

Það skiptir bæjarfélagið miklu að hafa traust og gott starfsfólk til að sinna þeirri mikilvægu þjónustu sem í boði er.   Starfsmenn Hafnarfjarðarbæjar hafa unnið mikið og gott starf í þeirri gríðamiklu og hröðu uppbyggingu sem verið hefur í bæjarfélaginu okkar. Sá árangur sem náðst hefur er mikilvægur fyrir alla framtíð og stöðu bæjarfélagins, og þann árangur ber ekki síst að þakka þeim sem hafa haldið utan um daglegt starf, þjónustu og rekur Hafnarfjarðarbæjar.

 

Samfylkingin í Hafnarfirði er stolt af því að leiða það framfaraskeið sem verið hefur í Hafnarfirði á síðustu árum.   Við getum sannarlega litið stolt yfir farinn veg og að sama skapi með bjartsýni til komandi ára.”

 

Stutt fundarhlé.

 

Forseti þakkaði bæjarfulltrúum, ritara og öðru starfsfólki gott samstarf á því ári sem er að líða með óskum um gleðileg jól og farsældar á 100 ára afmælisári Hafnarfjarðarkaupstaðar.

Haraldur Þór Ólason óskaði forseta bæjarstjórnar og fjölskyldu hennar, öllum bæjarfulltrúum og starfsfólki Hafnarfjarðarkaupstaðar gleðlegara jóla og farsældar á komandi árum með þökk fyrir samstarfið á árinu sem er að líða.

 

Fleira ekki gert. Fundargerðin upplesin. Fundi slitið kl. 20:05.