 |
|||||
 |
 |
 |
 |
 |
|
Reglur og skilyrði um greiðslur til einkarekinna leikskóla sem ekki eru með þjónustusamning við Hafnarfjarðarbæ
Bæjarstjórn Hafnarfjarðar samþykkir að niðurgreiða í ellefu mánuði á ári leikskóladvöl barna í leikskólum sem ekki eru reknir af Hafnarfjarðarbæ. Bæjarstjórn ákveður fjárhæð hverju sinni, að fenginni tillögu fræðsluráðs.
Skilyrði fyrir greiðslu eru að:
-barnið eigi lögheimili í Hafnarfirði,
-barnið sé á aldrinum tveggja til sex ára á því ári sem það fær leikskólavist. Þetta ákvæði á ekki við yngri
börn sem hafa fengið leikskólavist þegar þessar reglur taka gildi,
-ekki sé laust sambærilegt rými í leikskólum Hafnarfjarðar,
-leikskóli hafi rekstrarleyfi og uppfylli lög um leikskóla,
-barnið sé slysatryggt í leikskólanum,
-barnið dvelji 4-8 klst. daglega í leikskólanum.
Mánaðarlega niðurgreiðslu skal miða við dvalartíma barns með eftirfarandi hætti: Almenn niðurgreiðsla kr. 6.700,- á dvalartíma.
4 stunda dvöl kr. 26.800
5 stunda dvöl kr. 33.500
6 stunda dvöl kr. 40.200
7 stunda dvöl kr. 46.900
8 stunda dvöl kr. 53.600
Til þess að öðlast rétt til frekari afsláttar verður horft til tekna foreldra sem grundvallast á framlagðri skattskýrslu og eða launaseðlum síðustu þriggja mánaða.
-Einstaklingur með tekjur undir kr. 204.500 fái 40% afslátt.
-Einstaklingur með tekjur undir kr. 245.400 fái 20% afslátt.
-Fólk í sambúð með tekjur undir kr. 286.300 fái 40 % afslátt.
-Fólk í sambúð með tekjur undir kr. 343.560 fái 20 % afslátt.
Niðurgreiðsla miðuð við 20% afslátt er kr. 8040, á dvalartíma
4 stunda dvöl kr. 32.160
5 stunda dvöl kr. 40.200
6 stunda dvöl kr. 48.240
7 stunda dvöl kr. 56.280
8 stunda dvöl kr. 64.320
Niðurgreiðsla miðuð við 40% afslátt er kr. 9380, á dvalartíma.
4 stunda dvöl kr. 37.520
5 stunda dvöl kr. 46.900
6 stunda dvöl kr. 56.280
7 stunda dvöl kr. 65.660
8 stunda dvöl kr. 75,040
Foreldrar sem eiga tvö börn eða fleiri í leikskóla skulu njóta systkinaafsláttar eins og gildir í leikskólum Hafnarfjarðar.
Greitt er samkvæmt reikningi þar sem fram kemur nafn barns, kennitala, heimilisfang og dvalartími ásamt staðfestingu foreldris/forráðamanns.
Gildir frá og með 1. mars 2011