LeikskólarLeikskólarMiðstöð símenntunarTónlistarskóli HafnarfjarðarLeikskólarLeikskólar Íbúagáttin


Norsku- og sænskukennsla fyrir grunnskólanema

Fyrir grunnskólanemendur í Hafnarfirði er boðið upp á nám í norsku og sænsku í stað dönsku fyrir þá sem eiga erindi í slíkt nám. Í aðalnámskrá grunnskóla (1999), erlend tungumál, segir: Kennsla í norsku eða sænsku stendur til boða nemendum sem hafa sérstök tengsl við Noreg eða Svíþjóð og kemur kennslan þá í staðinn fyrir dönskukennslu og hefst á sama tíma og dönskukennsla hefst í grunnskóla.

Nemendur sem geta valið norsku eða sænsku, hafa þá sérstöðu að þeir vita deili á þessum samfélögum, þekkja tjáskiptareglur þeirra og siði.  Þeir hafa því málfarslegar og menningarlegar rætur bæði á Íslandi og í Noregi eða Svíþjóð. Nemandi þarf því að hafa eftirtalda undirstöðukunnáttu til að geta stundað nám í norsku eða sænsku ella nýtist ekki kennslan sem í boði er:

  • Skilja allvel talaða norsku eða sænsku.
  • Geta lesið og skilið einfalda texta á norsku eða sænsku miðað við sinn aldurshóp.
  • Geta gert sig skiljanlegan á töluðu máli í norsku eða sænsku.

Norsku- og sænskukennslan er skipulögð af kennurum Námsflokka Hafnarfjarðar - Miðstöð símenntunar og fer að öllu jöfnu fram síðdegis virka daga í  húsnæði Námsflokkanna í Menntasetrinu við Lækinn (áður Lækjarskóli) við Skólabraut.  Nemendum er safnað saman úr grunnskólum bæjarins og fá kennslu einu sinni í viku, tvær kennslustundir í senn. Tímasetningar kennslustunda eru ákveðnar í samráði nemenda og kennara í samhengi við stundatöflur viðkomandi nemenda.

Nemendur taka samræmt próf í norsku og sænsku í lok 9. og/eða 10. bekkjar.  Um það má sjá nánari upplýsingar á heimasíðu Námsmatsstofnunar.

Kennslan veturinn 2009-2010:

Norska er kennd á þriðjudögum: 7. og 8. bekkur kl. 14.30 - 16.00 og 9. og 10. bekkur kl. 16.00-17.0.
Kennslan fer fram í Miðstöð símenntunar í Menntasetrinu við Lækinn i stofu 303.
Kennari í norsku er Arnhild Mölnvik, sími 8990405, netfang: arnhild@laugalaekjarskoli.is.

Sænska er kennd á miðvikudögum kl. 16-17.20 fyrir 7. og 8. bekk og á fimmtudögum kl. 16.30-17.50 fyrir 9. og 10. bekk. 
Kennslan fer fram í Miðstöð símenntunar í Menntasetrinu við Lækinn i stofu 303.
Kennari í sænsku er Elisabet A. Brekkan, s. 691 8522, netfang: brekkan@simnet.is.

Allar nánari upplýsingar eru veittar af viðkomandi kennara.