Viðskiptavinir bókasafna geta fengið lykilorð sem veitir þeim aðgang að „Mínum síðum“ á vefsvæðinu Gegnir.is.  Lykilorðin eru afhent í afgreiðslu eða upplýsingaþjónustu safnsins, gegn framvísun skírteinis.

Á „Mínum síðum“ geta viðskiptavinir:

• Séð hvað þeir eru með í láni
• Endurnýjað lán (ef enginn biðlisti er á gögnunum)
  • Til að framlengja láni á kvikmyndum þarf að hringja í Bókasafnið
• Sett sig á biðlista eftir gögnum sem eru í útláni
  • Leitið fyrst að bókinni, finnið eintakið og smellið á Taka frá 
• Skoðað frátektirnar sínar og séð hvar í röðinni þeir eru
• Skoðað fyrri útlán sín (aðeins 100 síðustu útlán sjást)

Eftir að hafa fengið lykilorð frá Bókasafninu er hægt að skrá sig inn á „Mínar síður“ á Gegni.

• Farið á Gegnir.is.
• Vinstra megin á skjánum er kennitalan slegin inn (án bandstriks) í reitinn sem merktur er Númer og síðan lykilorðið í lykilorðareitinn.
• Smellið á Innskrá
• Undir flipanum „Mínar síður“ er hægt að skoða upplýsingar um útlán, frátektir og fleira.
  • Athugið: Gegni er skipt upp í nokkra safnahópa eftir landsvæðum eða safnategundum. Mikilvægt er að smella á réttan safnahóp áður en upplýsingar eru skoðaðar.
  • Ef óskað er eftir því að hafa alltaf sama safnahópinn sjálfgefinn, er hægt að biðja um það á bókasafninu.
•  Nánari leiðbeiningar má sjá hér.

Ef vandamál koma upp er best að hafa samband við Bókasafnið.